Гребенцов, Дмитрий Иванович

Дмитрий Иванович Гребенцов (1895 Бозаев веле - 1938) — васеньце «Сятко» ковставксонть редактор.

Гребенцов, Дмитрий Иванович
руз. Дмитрий Иванович Гребенцов
чачома чись	1895
Чачома тарка	Бозаев веле, Паракинское сельское поселение[d], Покш Килейбуе, Советэнь Вейсэндявкс[d]
Кулома чись	панжиковонь 24 чи 1938(1938-05-24)
Важодема ёрокчизе	куляньсёрмадей

Эрямопингензэ

Чачсь Дмитрий Иванович 1895 иестэ неень шкань Мордовия Республикань Покш Килейбуень Бозаев велесэ^[1]. Прядсь церьковань-приходонь школа.
Ютызе мирэнь-масторонь 1-це торпингенть. Подпрапорщикель. Немецень ушмантнэнь марто ялгакс тейнеманть (братаниянть) кисэ валгстозель рядовоекс. Ялатеке сон тее мейлеяк кадновсь торпингенть каршо виевстэ молицякс.

1917 иестэ, Октябрянь революциядонть мейле сеске, эсь олясо сёрмадстызе прянзо Якстере Армияв. Ульнесь взводонь командирэкс.

Гражданской торпингенть мейле тонавтнесь ВКП(б)-нь ЦК-со партважодицянь курсасо.
«Сятконть» редакторокс кемекстамодонзо икеле важодсь ВКП(б)-нь Самарань губкомонь эрзянь-мокшонь секциянь прявтокс, Куншка Равчирень обкомонь секретарекс.

Ковставксонть тевензэ ладямодо мейле кучозель Мордовиянь автономиянь ёнксов ВКП(б)-нь Козловкань райкомонь васенце секретарекс. Мейле ульнесь Модовиянь коммунисттнэнь высшей школань ректорокс (руз. ректор Мордовской высшей коммунистической сельско-хозяйственной школы).

1937 иестэ^[1] чумовтомо пекстазель: понгсь СССРень Верьце Судонь оенной судямонень алтазентнень конёвс, лангсонзо нарьгамотнеде мейле ледезель. Дмитрий Иванович Гребенцов лангсто чумось ульнесь каявтозь^[1] 1956 иень медьковонь 7 чистэ.

Текстт

• Память: Жертвы политических репрессий. — Саранск, 2000.

Литературась

• Реабилитация: Политические процессы 30—50-х годов. — М., 1991; Реабилитация: как это было. — Москва, 2000. — Т. 1; Тязин Е.Н. Реабилитация граждан, осуждённых в Мордовии в 1930-х гг. по политическим мотивам //Юридическая наука в Мордовском государственном университете. — Саранск, 2000.
• Энциклопедия Мордовия, М.С. Букин, Е.Н. Тязин.
• https://ru.openlist.wiki/%D0%93%D1%80%D0%B5%D0%B1%D0%B5%D0%BD%D1%86%D0%BE%D0%B2_%D0%94%D0%BC%D0%B8%D1%82%D1%80%D0%B8%D0%B9_%D0%98%D0%B2%D0%B0%D0%BD%D0%BE%D0%B2%D0%B8%D1%87_(1895)

Лисьмапрят

1. Дёмин, Василий Иванович. Эрзянь журналистиканть эрямопингезэ: монография: кавто пельксстэ = История эрзянской журналистики: монография: в 2 ч. / Василий Дёмин. – Саранск: Лит. фонд России, 2013. – Васенце пельксэсъ = Ч. 1. – 404 с. – Мордов.-эрзя яз. (эрз.)