Масторава

Масторава — те Эрзянь Масторонь кирдиця, ванстыця.

Те терминэнть улить лият смустьгак, вн. Масторава (смустьтне).

Смустезэ

«Масторава» валось теезь кавто валсто — «ава» ды «мастор». Эрзянь мифологиясо смустезэ Мастораванть покш — те Модамасторонь кирдий, Эрзятне вечксызь сонзэ, кемить покш чачома виезензэ, ды а стувтнить сонензэ озномс. Минек раськенть моротнесэ улить ламо Масторавадонть лайшемат, авардемат, морот.

«Масторава»-до сёрмадомасо

Содавикс валморонь сёрмадеесь Шарононь Сандра (А. М. Шаронов) аволь вейке кемень иеть пурнась вейтьс, эрзянь эрямодонть моротнень ды мифтнень. Тень эйстэ лиссь покш сёрмадома — морокерькс-эпос «Масторава», кона теевсь содавикс аволь ансяк Россиянь Масторсо, ды омбомасторонь, Суоми-угрань Мастортнэваяк (финно-угрань).