Пиче
кстыень буестэ чувто, сардтонь семиястонть From Wikipedia, the free encyclopedia
Remove ads
Пи́че (лат. Pínus) — те кстыень буестэ чувто, сардтонь семиястонть (Pinaceae). Неень шкасто улить 120 пичеть, конат касыть весе Пелевеёнксонь пельшарганть.
Пичень видэнть, кона максы ярсавикс пешть лемдить кедрань пиче лементь ало. Ансяк эряви содамс Кедра (Cedrus) — те лия буень чувто теке жо семиястонть, а вана пичень видьмензэ аволь пешть ботаникань смустьсэ.
Пичень тарадонзо лангсо касыть чулят.
Remove ads
Касомазо
Летьке модасо пичесь касы пек бойкасто, сонзэ чувтозо валдо, слоензэ келейть ды эчкть, сон пек чевте. Оля таркасо эли вейкест-вейкест эйстэ таркасо касыця чувттнэнь иень слоест эрсить келейть, комолест пек эчкть, бойкасто сювовить верев ды сэрьс вельтязь эчке тарадсо. Истямо чувттнэ эрсить аволь пек нардеть ды сех сеедьстэ маштовить ансяк пенгекс. Тусто вирьсэ касыця чувттнэнь рунгост човине сэрей ды виде, теке марто пичень рунгось 1/2 эли 2/3 пельксэст овсе тарадтомот. Истямо чувтотне молить питней материалокс.
Пичень чувтонть пачк молить пек ламо налткеть, конат пешксеть пичеойсэ, сон вансты касовксонть эрьва кодамо наксадомадо.
Минек виртнева пек ламо пичетнеде, чувтост кеметь, нардеть ды курок а наксадыцят, секс минек масторсо пичетне пек молить строямо материалокс. Пичестэ анокстыть: шочкт, лаксезь ды пилязь лазт; сон моли эрьва кодамо постройкас; сэдень ацамкст; телефононь ды телеграфонь палманть ды лият мезть.
Remove ads
Содамоёвкст
Сёрм.:
- Н.П. Анучин. Кода керсемс хвойной чувтнэнь. Москов : Наркомтяжпромонь издательствась, 1934
Лисьмапрят
- Буеденть содамочись Pinus(англ.) Index Nominum Genericorum даннойтнень базасонть Касовксонь таксономиядо Омбомасторонь ассоциациянть (IAPT) коряс.
Wikiwand - on
Seamless Wikipedia browsing. On steroids.
Remove ads