Рябов, Владимир Павлович

Владимир Павлович Рябов (1900 чадыковонь 1 чи^[1], Ламбаське веле — 1938 панжиковонь 23 чи Саранскойсэ) — эрзянь тонавтыця, ламо келень содыця, омбо масторонь кельс ютавтыця.

Те терминэнть улить лият смустьгак, вн. Рябовт (смусттне).

Владимир Рябов
чачома лем	Владимир Павлович Рябов
чачома чись	чадыковонь 1 чи 1900(1900-04-01)
Чачома тарка	Ламбаське, Лукояновский уезд[d], Нижегородская губерния[d], Россиянь империясь
Кулома чись	панжиков 1938 (38 иеть)
Кулома тарка	Саран ош, Российянь Советэнь Федеративной Социалистической Республикась[d], Советэнь Вейсэндявкс[d]
Мастор	Россиянь империясь  Советэнь Вейсэндявкс[d]
Важодема ёрокчизе	агроном
Тетязо	Павел Тимофеевич Рябов
Авазо	Александра Михайловна Рябова (Юрченкова тейтерькс)

Эрямо пингезэ (Биографиязо)

Рябовонь Владимир чачсь чадыковонь 1-це чисте 1900 иесте Ламбаське велесэ^[2], Ицялонь буесэ эрзянь сокиця-видиця семияс. Сонзе лелязо ульнесь Анатолий Рябовонь, ялаксозо Софья Рябова, конась ледеманзо мейле колмо иеть трясь Галина эйкакшонзо. 1927 иесте прядызеть рабфаконть Покровскоень институтонть вакссо Московссо. Седе тов 1932 иесте прядызеть Московонь веленьхозяйствань академия Тимирязевень лемсе, теде мейле тонавтсь Мордовской аграрной nонавтинститутсо^[1]. 1933 саезь 1937 видс важодсь прявтредакторокс веленьхозяйствань литературань Мордовской кирьяпусмонь издательствасо. Сон поладыця таблицанть — руз. «Правила смешивания минеральных удобрений для внесения под различные культуры и почвы»^[1].

Галина Владимировна Попова (Рябова) Масторавань Чистэ лецтни тетянзо (Рябовонь Олодимирэнь), ды лия эрзятнень.

Ютавтыль рузонь кельсте эрзякс сёрмадовтомат А.С. Пушкинень («Ёвкс калонь кундыцядо ды калнэде» (руз. «О рыбаке и рыбке» 1937), М.Ю. Лермонтовонь («Торсейкс»^[3]), Н.А. Некрасовонь («Якшаматя»^[4], (руз. «Дед Мороз» 1935, "Кие рузонь масторсо эри вадрясто-паросто" (руз. «Кому живется весело, вольготно на Руси» 1935). Владимир Рябов васеньце, кие снартнесь ютавтомонзо эрзякс малавикс суоми-угрань раськетьнень - карелэнь ды суоминь «Калевала» морокерьксэнть^[5]. Сон анокстызеть ды поладызеть Гамбургсо 1978 иесте эрзянь-немецень валксонть.

1937 иесте ульнесь чумондазь ды ёртозь тюрьмас. 1938 панжиковсто ульнесь ледезь Саранскойсэ. Чумонзо каявтызь: 1957 иень эйзюрковонь 23 чистэ.

Вант седе тов:

• Анатолий Рябов
• Тимофей Васильев
• Софья Рябова

Лисьмапрят

1. «Мордовский республиканский объединенный краеведческий музей им. И.Д. Воронина». Рябов Владимир Павлович Архивировазь 16 Таштамковонь 2018 иестэ. (руз.)
2. Газета «ПОБЕДА» Да обретут покой страдавшие телесно(руз.)
3. «Сятко» 1-це №, МОРДГИЗ Саранск 1935 ие. Лермонтовонь «Парус» валморозо. 35 лоп.(эрз.)
4. «Сятко» 6-це №, Мокщоэрзянь Государственной Издательствась, Саранск 1935. Якшаматя 58-62 лоп.(эрз.)
5. «Сятко» 2-це №, МОРДГИЗ Саранск 1935 ие. Калевала. Финляндиянь народонь эпос. 45 лоп.(эрз.)