Таразбие (Отяжбуе)

Таразбие (кортамокельсэ: Таразбуе) (руз. Тарасово) — эрзянь веле Отяжбуесэ, Мордовиясо.

Веле
Таразбие
54°35′06″ с. ш. 46°14′24″ в. д.HGЯOL
Мастор	Россия Россия
Республикась	Мордовия
Буе	Отяжбуе
История ды география
Путозь	XVII пинге|XVII пингенть ушодомсто
Эрицятне
Эрицятне	702 ломанть (2001)
Раськеть	эрзят
Цифрань идентификаторт
Почтань индекс	431825
Автомобильной код	13
Невтэмс /сёпомс картат

Таразбие ашти Леплей (Лепелей) лангсо, 14 вп чилисема ёнов буенть куншка таркасто, пелеве-чивалгома ёнкссо велестэнть чуди Сарка лей. Пелевеёнксто велеванть юты ки Отяжвеле-Аловеле.

Ульнесь лецтязь (руз. «Книге бортных ухожаев Д. Пушечникова и А. Костяева 1624—1626 гг.») сёрмадовксо кода эрзянь веле медень пурныцянь 11 кудот марто. Таразбиень эрицятне кирдсть Кирмалавонь яксеманть (руз. Кирмальский ухожай) Ратор лейсэ, кунднесть калт Сура лейга. 1671 иенть видс пелькс эрицятне путсть Покш Сарка леенть од эрямо тарка —(руз. «деревню Тарасова, Батушева тож»).

10-це ревизиянть (1857) коряс, Таразбие — веле 190 кудот Орданьбуень уездсэ. 1910—1911 ии. ловномасонть, Таразбиесэ ульнесь церькова (1905) ды школа (1865).

Веленть лемденть

Лемесь-антропоним: икелень Тараз лементь эйстэ.

Содавикс ломанть те велестэнть

Таразбиесэ чачсть:

• А.М. Живаев, П.С. Шилов, Л.И. Мойсеева — хозяйствань прявтт
• Т.Д. Абрамова, Ю.Г. Мойсеев — Мордовиянь заслуженной велень-хозяйствань важодицят
• Н.Ф. Атласов — инженер
• А.А. Мойсеев — к. в.хоз. н.
• А.Г. Атласова^[1]— Мордовиянь заслуженной артистка, морыця
• Г.П. Спиридонов — артыця
• М.Ф. Власова — тонавтыця
• В.М. Живаев, Т.М. Ковалёва — кулят-сёрмадейть
• А.И. Миронов —Ине Отечественной ойнань улиця
• П.В. Прохоров^[2] — прозаик, Ине Отечественной ойнань улицят
• А.М. Живаева — Афганистансо ойнань улиця

Веленть эрямозо

Куротне^[1]: Черепаха, Паксяпе, Алопе, Вирьпе, Нахаловка.

Лисьмапрят

1. ТелеСеть Мордовии (10 канал): «Велесь течи» Таразбуесэ(эрз.)
2. Библиотека Мордовской литературы. Прохоров Петр Васильевич Архивировазь 6 Умарьковонь 2020 иестэ. (руз.)