Эрзянь кель

Э́рзянь кель те суоми-угрань келень семиянть суоминь-равонь тарадонтень совиця уралонь кель. Эрзянь кельсэ кортыть эрзят.

Э́рзянь кель
Эсьлем	eŕźań keĺ
Масторт	Россия, Азербайджан, Казахстан, Киргизия, Туркмения, Узбекистан, Украина
Ёнкст	Мордовия, Чувашонь Мастор Татаронь ёнкс, Башкирэнь ёнкс, Алоошонь ёнкс, Ульянонь ёнкс, Пенза ёнкс, Самара ёнкс, Саратов ёнкс, Оренбургонь ёнкс,
Келень содыцятнень ламоксчись	114 540. ломаньть мирсэ, 36 700 ломаньть Россиясо[1], 500[2] (Армениясо)
Статус	ули гразяма юмамс[d][3]
Классификация
Категория	Евразия кельтне
Суоми-угрань кельть Суоми-пермень тарадалксось Суоми-равонь группась
Сёрмадомачись	криллицась[d]
Келень кодт
ГОСТ 7.75–97	эрз 835
ISO 639-1	—
ISO 639-2	myv
ISO 639-3	myv
WALS	moe
Atlas of the World’s Languages in Danger	350
Ethnologue	myv
Linguasphere	41-AAD-aa
ELCat	3207
IETF	myv
Glottolog	erzy1239
Кельсэнть Википедиясь

Эрзянь кельсэ кортавкстнэ максозь сэнь тюссо

Эрзянь келень гайттнень сёрмадовомс саевить рузонь/кириллицянь 33 тешкст-букват.

Россияссо эрзятнеде 2010 иень ловномасонть тешкстызь эрзянь келенть кода тиринекс 36 726 ломать^[4].

Эрзянь алфавитэсь

А а	Б б	В в	Г г	Д д	Е е	Ё ё	Ж ж
З з	И и	Й й	К к	Л л	М м	Н н	О о
П п	Р р	С с	Т т	У у	Ф ф	Х х	Ц ц
Ч ч	Ш ш	Щ щ	Ъ ъ	Ы ы	Ь ь	Э э	Ю ю
Я я

Эрзянь келень гайттне явовить моравиксэкс-гласноекс ды а моравиксэкс-согласнойкс:

Аморавикстнэ явовить:

а) аволь ялганек (парнойть): б, в, г, ж, й, к, м, п, ф, ч, х, ш;

б) ялганек:

калгодо: д, з, л, н, р, с, т, ц;

чевте: дь, зь, ль, нь, рь, сь, ть, ць;

в) гайгицят: б, в, г, д, ж, з, й, л, м, н, р;

г) а гайгицят: п, ф, к, х, т, ш, ч, с, ц;

д) вешкевикст: з, с, ц;

е) щипящейть (свал калгодот): ж, ш, ч.

Моравикстнэ: а, о, у, э, и, ы. Теевемань коряс моравикстнэ явовить:

а) икельце рядонь: и, э;

б) куншка рядонь: ы, а;

в) удальце рядонь: о, у.

Я тешксэсь сёрмадови:

а) а гайтенть невтемс ялганек чевте а моравикстэ-согласнойде мейле дь, зь, ль, нь, рь, сь, ть, нь. Сайсынек: озяз, пандя, коня.

б) йа гайттнень невтемс. Невтевксэкс: куяр, ялга, ямкс.

Ё тешксэсь сёрмадови:

а) о гайтькенть невтемс ялгань чевте аморавикстэ мейле. Саемга: сёрма, цётмар, конёв, сёксь.

б) йо гайттнень невтемс. Невтевксэкс:ёвкс, ёндол.

Ю тешксэсь сёрмадови:

а) йу гайттнень невтемс. Невтевксэкс:ютко, юр, ютамс

Е тешксэсь сёрмадови:

а) эгайтькенть невтемс чевте ялганек аморавикстэ мейле. Сайсынек: сезган, зепе, иде'мс, теле, кирдемс;

б) э гайтькенть невтемс аволь ялганек аморавикстэ-согласнойде мейле. Саемга: лембе, вайгель, кев, меремс;

в) э гайтькенть невтемс щипящейде мейле, сынь свал калгодот. Саемга: неже, вешемс, ченгемс;

И тешксэсь сёрмадови:

а) ы гайтькенть невтемс щипящейде мейле, сынь свал калгодот. Саемга: панжи, веши, чачи;

Ы тешксэсь сёрмадови:

а) калгодо ялганек келень-пеень аморавикстнэде мейле.

Сайсынек: сы, пезы, тынь, ды, лырнэмс, моры, ваны;

б) турвань-пеень эли турвань-турвань аморавикстнэде мейле. Сайсынек: пыхадемс, бызнэмс, вырновтомс, мырнэмс

Э тешксэсь сёрмадови:

Калгодо ялганек келень-пеень аморавикстнэде мейле.

Сайсынек: тесэ, пезэмс, скалнэ, пикстэ, тылдэ.

Эсьлемпелень чизэ

Саран ошсо куронь лемтне максозь колмо кельсэ: рузонь, мокшонь, эрзянь.

Эрзянь келесь ашти эсьлемпелень келекс Мордовиясо, рузонь ды мокшонь кельтнень марто.

Кода вастневи келесь пачтямо керьксэ:

• кулялопасо — «Эрзянь Мастор», «Эрзянь Правда», «Ялгат» (лисни Ульянонь ёнксо).
• ковставкссо — «Сятко», «Ава (журнал), «Чилисема» (журнал), «Ратор» (журнал).
• теленевтема — телеканал «Россия» невти 2 част чистэнть 4 чить таргос. Эрзянь кельсэ, ансяк 7 % эфирэнь шкась.
• пачтямокерькс — лиякс те «радио программа» валось. Саран ошсо ули Мордовиянь Раськень пачтямо «Вайгель» (кода сёрмадозт лопасост Мордовиянь национальной радиось), сонзэ толкунонзо 73,88 укв. Ансяк, 14,3 % эфирэнь шкась те пачтямо керькст мокшаннь ды эрзянь кельтнесэ.
• та-кодат Интернет-кулянь пачтямо керькст — «Эрзянь Вайгель»^[5], «Erzyaks.ru»^[6].

Эсьлемпельксконёв Республикань Мордовия Раськень политикань комитетэнть (якстересе невтезь эрзянь кельсэ сёрмадовксось)

Политиктнэ, ды республикань прявтне-кирдийтне келенть асаить эсьлемпельксев, кой-кува конёвтнесэ-законтнесэ вастневи.

Википедия лувдо

Э тешкстэсь маштови сёрмадомс:

а) "к" эли "г" тешкстэ мейле, зярдо икелензэ ашти калгодо ялганек пеень-келень аморавикс гайть, ды сынсь "к" ды "г" гайттнеяк калгодот.

Сайсынек: сескэ (калгодо "к") карадо каршо аравтови сеське (чэвте "к") марто.

б) Калгодо "ч", "ш" ды "ж" тешксттнэде мейле.

Сайсынек: чэвте, шэржэй.

Ы тешкстэсь маштови сёрмадомс:

"к" эли "г" тешкстэ мейле, зярдо икелензэ ашти калгодо ялганек пеень-келень аморавикс гайть, ды сынсь "к" ды "г" гайттнеяк калгодот.

Сайсынек: кискыне (калгодо "к") карадо каршо аравтови киськине (чэвте "к") марто.

Калгодо "ч", "ш" ды "ж" тешксттнэде мейле.

Сайсынек: чыемс.

Кой-зярдо эрзясь йовтасы истяяк-истяяк пиже ды пыже.

Ванодо

• Ловнодо «Эрзянь кель» валморонть, конань сёрмадызе Журавлёвонь Числав.

Кунсолодо

• Кунсолодо эрзянь кельсэ «Эрзянь Мель» пачтямокерьксенть RussianPodcasting-сэ
• Вайгель радионь эфир эрзянь кельсэ Архивировазь 18 Эйзюрковонь 2015 иестэ.

Лисьмапрят

1. Ethnologue. Erzya(англ.)
2. Ethnologue. Armenian(англ.)
3. Красная книга языков ЮНЕСКО
4. 5. Владение языками населением Российской Федерации PDF, 2.7.2018 (руз.)
5. «Эрзянь Вайгель»
6. «Erzyaks.ru» Архивировазь 8 Панжиковонь 2017 иестэ.