From Wikipedia, the free encyclopedia
آشوکا اتا هندی امپراتور بییه که موریا امپراتوری جه بحکومت برسییه. وه شه سلسلهیِ گتترین و معروفترین حاکم بییه. وه جوونی گادِر که تازه شاه بیبییه، خله خشونت داشته و شه معروفترین جنگ سَره، کالینگایِ شهر ره بَییتن وسّه هزارون نفر ره به بکاشتن هِدا و وقتی شهر فتح بیّه، وه با افتخار شهر دله وارد بیّه ولی شهر دیگه خله رِقِد بورد بییه و هچکی دنیبییه که ونه استقبال بئه یا شهر دله دَوائه، همینسه وه شه کارها جه پشیمون بیّه و توبه هاکرده.
آشوکا | |
---|---|
هند امپراتور | |
زمون | ۲۷۳-۲۳۲ |
بمردن | ۲۳۲ (پیش از میلاد) |
پیش از | داساراتا |
پس از | بیندوساره |
سلسله | موریا امپراتوری |
پیـِر | بیندوساره |
وه ادیان سَره تحقیق هاکرده تا بودیسم جه آشنا بیّه و راهبون وه ره بودایی هاکردنه. این گادِر وه اعلام هاکرده که جنگ و خشونت جه مخالف هسته و دانش و علوم ره گسترش هدا و آهیمسا ره اجرا هاکرده. این قانون که بیآزاری ره لازم دونده، باعث بیّه شکار هاکردن، بردهداری و... ممنوع بوائه و ارتش تبدیل بوائه به نیرویی که دفاعی حالت دانّه و امنیت ره فقط حفظ داره.
آشوکا تلاش داشته که بودایی دین ره تنک هاکنه و مبلغونی ره دور-و-نزدیک برسنییه تا ونه روش و دین ره معرفی هاکنن و کتیبهئون زیادی بساته که ونه قوانین ره یاد هادِن. آشوکایِ مبلغون باعث بَیینه که هَنتا آسیایِ شرقی کشورون دله بودایی دین باقی بمونده و خله پهروون داره.
با این که بودایی دین آشوکا گِدِر رسمی دین بَیییه ولی باقی ادیان آزاد بینه که شه دین ره حفظ هاکنن و آدمونِ مذهب باعث تبعیض نیّه و حتی سیاستمدارون تونستنه دین دیگری دارِن. این گادِر هندِ اکثریت هندوییسم پهروو بینه.
آشوکا دِ بخش آ+شوکا جه بساته وانه که سانسکریت دله «بی+غم» معنی دِنه.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.