From Wikipedia, the free encyclopedia
عاصفه الحزم اتا جنگی عملیات هسته که ونه سَره عربستون روز ۲۵ مارس ۲۰۱۵ جه شه هوایی حملات ره یمن ِبَییتن و حوثیون ِدَرهاکِردِن وسّه شروع هاکرده.[12] [19] عربستون حوثیون ِبالستیک ِموشکون بَییتِن، هوایی نیرو داشتِن و منطقهیی امنیت ره این حمله وسّه بهانه هاکرده.[20]
یمن ره نظامی دِلهدَکِتِن عملية عاصفة الحزم |
|||||||
---|---|---|---|---|---|---|---|
یمن ِانقلاب و اعتراضات ِدمباله جه | |||||||
یمن ِاوضاع: انصارالله و علی عبدالله صالح ِطرفدارون ِدَس منصور هادی ِطرفدارون ِدَس القاعده یا انصارالشریعه ِدَس جنوبی حرکتون ِدَس |
|||||||
|
|||||||
جنگ بین | |||||||
یمن (مستعفی) عربی خلیج کایری شورا[1] | یمن (انصارالله)
پشتیبونی: |
||||||
فرماندهئون و رهبرون | |||||||
عبداللطیف بن رشید سلمان شا عبدربه منصور هادی محمد بن نایف[9] | محمد علی حوثی عبدالملک حوثی علی الشامی علی عبدالله صالح احمد علی صالح (علی عبدالله ِریکا) [10] |
||||||
جنگنده | |||||||
۱۰۰ جنگی بالون و ۱۵۰٬۰۰۰ سرباز[11] ۱۵ جنگی بالون[12] ۶ جنگی بالون[12] ۱۵ جنگی بالون[12] ۶ جنگی بالون[12] ۱۰ جنگی بالون[12] 3 جنگی بالون[12] ۳۰ جنگی بالون[12] | نامَیِّن | ||||||
تلفات و شکستها | |||||||
اونتی که عربون گانّه: اتا F-15 ِبالون[13] اونتی که حوثیون گانّه: | بیش از ۸۰ نفر بمردنه[18] |
این عملیات ِنوم ره ملک عبدالعزیز ِاتا جمله جه بَییتنه که گاته: «الحزم أبو العزم أبو الظفرات والترك أبو الفرك أبو الحسرات»[21]
وقتی حوثیون بتونِستنه صنعا ره بَیرِن و ریاستجمهوری ِکاخ دله وارد بَوون، منصور هادی، که یمن ِرییسجمهور بییه، استعفا هِدا و بعد فِرار هاکرده و بورده عدن دله و این شهر ره جدید ِنیشتنگا (=پایتخت) اعلام هاکرده.[22] وقتی انصارالله این شهر ره هم بَییته، وه دَربورده و عمان جه پناه بِخاسته.[23] بعضی خورگزاریون گانّه که عمان ونه بِخاستی ره قبول نَکارده و وه ره شه سامون دله جا نِدائه، همینسه وه وَردِگِرسته حضرالموت دله. بعضی دیگه خورگزاریون هم بائوتنه وه جیوبتی یا عربستون دله دَره.[24] همین گادِر که خورگزاریون دَیینه گمونهزنی کاردنه، اتا فیلم تَنِک بیّه که ونه دله منصور هادی اتا بالون جه ریاض دله پیاده وانه و محمد بن سلمان، که عربستون ِدفاع ِوزیره، ونجه استقبال کانده. رسمی مقامات بائوتنه که وه خانه شنبه بوره شرمالشیخ تا عرب کشورون اتحادیه دله شه گپ ره بَزنه.[25]
عربستون، مصر، متحده عربی امارات، کویت، بحرین و قطر شه نظامی حمله ره یمن ِبَییتِن وسّه شروع هاکِردنه. پاکستون، اردن، مراکش و سودان هم بائوتنه خانّه این جنگ دله عربستون ره کومِک هاکِنِن. آمریکا هم این حملات دله لجستیکی کومِک کانده.[4]
عربستون بائوته که اولیه حملات دله بالون جه صعده ره بَزونه و ۱۰۰ جنگنده، ۱۵۰۰۰۰ سرباز و دریایی واحدون ره برسنینه که بعضیا چتر جه عدن دله پیاده بَیینه[4] ولی انصارالله بائوته که پنجشنبه ظهر فقط نزدیک ۳۰تا خارجی بالون بَدینه و ۱۰۰تا بالون چاخان بییه.[26] امارات ۳۰تا بالون، بحرین ۱۵تا بالون، کویت ۱۵تا بالون، قطر ده بالون، اردن ۶تا جِت، مراکش ۶تا بالون[12] و مصر هم ۴تا کشتی، 16 بالون و چنتا ناوچه بَرِسِنینه.[27] [28] این جنگ ِشروع بَیّن په، مصر ِدریایی نیرو جه این چارتا کشتی راه دَکِتنه که سوئز کانال جه بورِن سرخ دریا دله.[27]
همون اولین روز اتا فیلم تَنِک بَیّه که محمد بن نایف، عربستون ِولیعهد، دَره شخصاً نظامیون جه ملاقات کانده و عملیات ِنقشهکشی سَر حاضره، اتی که خورگزاریون بائوتنه وه شخصاً عملیات ِرهبری ره انجام دِنه.[9] روز ۲۹ مارس هم هاآرتص روزنومه بائوته که حوثیون ره ۵ هزارتا ایرانی، لبنان ِحزبالله ِاعضا و عراقی شبهنظامیون آموزش هِدانه. [29]
همون اولین روز حوثیون بائوتنه که چنتا عربستونی سرباز ره دستگیر هاکِردنه[30] و اتا اماراتی بالون هم سقوط هاکرده. [15] پرس تیوی ِخَوِرگزاری بائوته که اولین روز دله عربستون شه هوایی حملات سَره «نصر ِمسکونی مجتمع»، که صنعای ِشمال دَره، ره هم بَکوبِسته و دهها نفر منجمله ات سِری وَچه بمردنه و یا زخمی بَیینه و یمن ِمقامات ۲۲ نفر غیرنظامی ِبَمِردِن ره تأیید هاکِردنه.[4]
عربستون همون اولین ساعات جه یمن ِهوایی سامون ره «پرواز ممنوع» ِمنطقه اعلام هاکرده[31] و صنعای ِبیناللملی فرودگاه ره رِقِد بِدا تا یمن ِهوایی نیروئون ونجه استفاده نَکانِن. [32] العناد ِپایگاه هم که آمریکا یمن دله بِسات بییه و حوثیون وه ره روز قبل ِحمله بَییتبینه، هوایی حملات ِپه دَکِته منصور هادی ِطرفدارون دَس. [27]
این حملات دله همینجور حوثیون ِاردوگاهون، صنعای ِریاستجمهوری ِکاخ، نظامی ِپلیس و ویژهی ِنیروئون ِپایگاه که علی عبدالله صالح ِمطیع هستنه ره بمبارون هاکردنه[33] و جنوبی مناطق دله، سنحان ِشهر دله «حمید ِکمپ» ره بَزونه که این شهر علی عبدالله صالح ِزادگاه هسته.[34]
روز ۲۷ مارس بعضی منابع بائوتنه که حوثیون اِسا خانّه بابالمندب ره دَوِندِن و ونه سو موشک نشونه بَییتنه. این کانال اتا مهم و استراتژیک ِمنطقه هسته و ۶۵% جهونی تجارتون این کانال جه ونه رَد بَواشه.[35] حوثیون روز بعد هم بائوتنه که نظامیونی که بازنشست بَیینه، ونه وَردَگِردِن شه کار ِسَر و مدارس ونه وا بَواشه.[36]
اتا یمنی مسئول که نخاسته ونه نوم ره باوِّن، ۲۸ مارس بائوته حدود ۸۰ نفر حملات دله بمردنه که وشون دله بعضی حوثیها هم دَرنه ولی ویشته صالح ِنیروئون جه هستنه. وه گاته که هیژدهتا غیرنظامی، منجمله شیشتا وَچه، اتا فقیر ِمنطقه، که صنعای ِفرودگاه پَلی بییه، دله بَمردنه.[18]
۲۹ مارس عربستون بائوته که ایران هر روز لااقل دِتا بالون ره اسلحه پِر کارده و وَرده یمن که بتونِستنه ونه دَم ره بَیرِن. [37] ایران این خَور ره تکذیب هاکرده و بائوته که فقط حوثیون وسّه دِوا رَسِنییه.[38]
روز ۲۹ مارس عربستونی بالونها عدن دله حوثیون ِمواضع ره بمبارون هاکردنه.[29] و روز ۳۰ مارس سودان اعلام هاکرده که سومالی جه اجازه بَییته تا «بربرهی ِهوایی پایگاه» جه این جنگ دله استفاده هاکنه و اونجه جه حوثیون جه جنگ دَکفه.[39]
۳۰ مارس وسّه بعضی خَوِرون سِراق دانه که عربستون حتی یمنیونی که فِرار هاکردنه و بوردنه «سامونسَری کمپ» ِدله دَرنه ره چار بار بمبارون هاکرده و حدوداً چـِل نفِر این قضیه سَره بَمردنه. بعضی گزارشون گانّه عربستون سعی کانده تا تونده معمولی سِرهئون و زیرساختون ره حمله هاکِنه.[40] [41] صلیب سرخ ۳۱ مارس بائوته که عربستون نییِنّه دِوا و امدادی کمکون ره مردِم جه بَرِسِنیم[42] ولی ایران این عملیات ِپه ۲۱ تُن دِوا حوثیون وسّه بَرِسِنییه.[43] روز ۱ آوریل هم عربستون الحدیدهی ِشهر ره بمبارون هاکرده که ۲۳ نفر غیرنظامی اتا لبنیات ِشرکت ِتَش بَییتِن په بَمردنه.[44] البته بعضی منابع کارخنهی ِتَش بَزوئِن ره شورشیون ِکار دونّه.[45] هفتمین روز گادِر، یونیسف اعلام هاکرده که این چن روز دله حداقل ۶۲تا وَچه بَمردنه و ۳۰تا وَچه زخمی بَیینه.[46]
دوم آوریل یمن و عربستون ِسامون سَر دِ طرف زمینی جنگ دَکِتنه که عربستون ِاولین سرباز اونجه بَمرده.[47] همین روز اتا خور هم تَنِک بیّه که گاته اسرئیلیون این جنگ دله عربستون ره دَر کومِک کانّه و وشون ِبالونها حوثیون ره بَزونه.[48]
روز ۲۸ مارس شرمالشیخ دله عربی کشورون اتحادیهی ِسران جلسه بییِشتنه و منصور هادی این جلسه دله دَیییه. عبدالفتاح السیسی، مصر ِرئیس جمهور، افتتاحیه دله بائوته که «مشترک ِعربی ارتش» ِتشکیل بَیّن جه حمایت کانده.[49] منصور هادی هم این جلسه دله بائوته که «حوثیون یمن ِارضی تمامیت ره نقض هاکردنه. وشون مساجد ره منفجر کانّه و تموم نظامی تجهیزات ره بَدِزدینه و…»[50] اون گادِر که وه خاسته گپ بَزنه، فؤاد معصوم، عراق ِرییسجمهور که سُنی هسته، جلسه ره اعتراض وسّه تَرک هاکرده.[36]
الجزایر ِخارجهامور ِوزیر هم اتا سهمرحلهیی طرح هِدا که «آتشبش» بَواشه.[51] فؤاد معصوم هم اتا جدید ِطرح هِدائه و «صلح» جه گپ بَزوئه. عربستون ِشاه هم این مراسم دله دَیییه و بائوته این جنگ ره ادامه دِنه. این مراسم ِپه وه و منصور هادی وَردِگردِستنه ریاض. [36]
عرب اتحادیهی ِپایانی بیانیه دله بائوتنه که این سازمان ونه اتا مشترک ِنظامی واحد بسازه تا «اضطراری زمون» (لیبی و یمن ِمسائل واری) وسّه مسائل ره حل هاکنه. وشون تأکید هاکِردنه که تا اون گادِر که انصارالله تسلیم نَواشه، جنگ ونه دمباله پیدا هاکنه. [52]
یمن ِجنگ همیشه بتونده بابالمندب ِامنیت ره تهدید هاکنه. تنگهیی که ونه دله کشتیرانی وانه و نفت اینجه جه اروپا، آسیا و آمریکا دله تَنِک وانه. سال ۲۰۱۳ میلادی، روزانه بیش از ۳.۴ میلیون بشکه نفت اینجه جه عبور هاکرده.[53]
همین که یمن ِجنگ ِخَورون تَنِک بَیینه، نفت ِقیمت سه درصد ویشته بیّه[54] و لندن ِبورس دله ۲.۵ دولار، یعنی ۴ درصد قایده، ویشته بیّه و ۵۹ دولار جه بَرِسییه.[55]
عربستون ِبورس که مهمترین منطقهیی بورس بییه و دوبی ِبازارون تحت تأثیر قِرار بَییتنه و سقوط هاکِردنه. عربستون ِبورس ِتدول چار درصد سقوط داشته و زیر هشت هزار و پونصد واحد جه برسییه ولی دِباره رُشد هم داشته و 8 هزار و 705 واحد سَر هِرِسّائه. دوبی دله هم، شیش درصد بازار ِشاخص کم بیّه و بعد دوبی ِمالی شاخص ویشته بیّه و ونه ارزش جه کم بَیّن همون سه و نیم درصد سَر کَته. ابوظبی ِسهام هم دِ درصد سقوط داشته. قطر ِبورس هم ۱.۴ درصد سقوط هاکرده. کویت ِبورس ۲.۶ درصد کاهش داشته. مسقط و بحرین هم ۲.۵ و ۰.۵ درصد کاهش داشتنه. تحلیلکَرون گانّه که سهامدارون ترسِنّه که این جنگ دله ایران هم حوثیون جه کایری هاکِنه.[56]
چند روز په که عربی کشورون ِاتحادیه جنگ جه حمایت هاکرده، این سهامها دِباره اتکمه ویشته بَیینه و نفت ِقیمت وَردَگِردِسته. نورالدین الحموری، کارشناس، گانه که اینتی جنگها موقتاً قیمت ره اتکمه بالا-پایین یارنه ولی خله وشون تأثیر نتونده بائه. عربستون هم اَنده نفت دانّه که بتونه ونه قِیمِت ره شه تعیین هاکنه.[57]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.