Aalt Westerman

Aalt Westerman (Ni'jlusen, 28 juni 1946) is een Sallaanse streektaalzanger en entertainer. Hi'j zingt veural op brulften en feesies veur een older publiek oaver zien dörp en streek. In 2007 weur e onderskeiden as Lid in de Örde van Oranje-Nassau veur zien wark bi'j verskeiden plaatselijke orgenisaoties en zien inzet veur de streektaal.

Bekende nommers van Westerman bint En dan wo'j 50 joar! en A'j Opa en Oma wod....

Muzikale carrière

Westerman gonk mit negen jaor bi'j de plaatselijke fanfare, daor as e verskeiden blaosinstrumenten bespeulden. Wat later kwaamp de gitaar in bield.

In de jaoren zestig zat Westerman as gitarist en zanger in de beatband The keystones, daoras e regionaol success mit har. De band mus d'r mit uutskeiden toe as een paar leden in 't leger mussen. In de jaoren zeuventig pakten hi'j de meziek opni'j op. Mit Jo Schuurman en Ab Boelens zetten hi'j in 1972 daans- en feestorkest The Yellow Stars op, det in een antal bezettings opetreden hef töt 2007.

In 1998 begunden e mit solo-optredens in 't Sallaans. Mit Dinie Bijker-Kouwen vörmt e 't Vechtdal Duo. Hi'j zingt en speult gitaar, zi'j speult accordeon.

Radio- en tillevisiewark

Westerman is mitwarker op freelance-basis bi'j de provinciaole umroep RTV Oost, daoras e in juli en augustus 't live pregramma mit streektaalmeziek Een zomer lang prissenteert. Zien eigen videoclips kuj ok wal veur TV Oost zien.

Veur Vechtdal FM, een radio-umroep veur de gemientes Dalsen en Ommen, döt e Dialect in 't Vechtdal, een pregramma mit streektaalliedties, gedichten en vertellegies.

Discografie

• Luuster Mar ies (2006)
• Mooi Oaveriessel (2006)
• Zingt oaver... (2003)
• Mien Streek ...taal (2002)
• Als je opa en oma wordt (1997)
• A'j Geluk Hebt ... (1997)

Uutgaonde verwiezings

• Webstee van Aalt Westerman
• Streektaalzang in Nederland oaver Aalt Westerman

Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.