De Roskam

De Roskam is een onofhaankelijk ni'js- en opinieweekblad veur Twente det vanuut Almelo wördt uutegeven. 't Blad hef buten ni'js ok veule commentaor, daorin ze perbeert stiekelig en verrassend te weden en daoras ze 't peblieke debat mit wilt anfietern.

Logo van De Roskam.

Oprichting

't Blad wördden in oktober op-ericht 1995 deur Han Pape, die niks bliede was mit 't samengaon van de kraanten De Twentsche Courant en Tubantia töt De Twentsche Courant Tubantia. Daordeur zol d'r nog mar ien dagense kraante in Twente oaverblieven, zunder concurrentie umme skaarpe te blieven. Pape warkten töt april van det jaor bi'j de Twentsche Courant.

Noa al dee joaren besteet 'n Roskam nog alverdan. In de eerste helfte van 2011 wordt 'r ook estart met Roskam TV vanoet studio Spoer 3 in Wierden. Wekkelijks een deepte-interview van een uur met een belangwekkend persoon oet het bedriefsleawen, bestuur, politiek of keuns van binnen of boeten Twente.

Name

De titel 'de Roskam' verwiest naor drei dingen: 't peerd det symbool stiet veur de Twèentse regio, een gelieknamig veurwarp uut de Twèentse textielbedrievigheid en een stiekeldicht van Joost van den Vondel mit die name, daoras hi'j de raandstedelijke regeerderi'je de baord in ofkrabt.

Missie

't Blad skrif zölf oaver hoe as ze Twente bekiekt: ' De redactie ziet Twente als een grote stad met ruime parken. In die zin zijn zowel de steden als de dorpen wijken van de op drie na grootste stad van Nederland. Dat dit feitelijk nog niet zo is, ligt vooral aan de bestuurders in de regio, maar de krant loopt vooruit en wil wat verder kijken dan de waan van vandaag. '

Uutgaonde verwiezing

Webstee van de Roskam

Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.