Monegaskies
From Wikipedia, the free encyclopedia
t Monegaskies (in de taal zelf: Munegascu) is de tradisionele taal van Monako, die oek noen nog in Monaco espreuken wörden. De meest espreuken taal in Monaco is tegenswoordig toch wel t Frans. Monegaskies is n verplicht schoelvak in Monaco. t Monegaskies is uniek umdat t de enige Romaanse taal is waor gien Biebelvertaling van is. De taal stamp aof van t dialekt dat in de middeleeuwen in de Republiek Genua espreuken wördden. Daorum wordt t Monegaskies ok wel tot t Liguries erekend. Der bin ongeveer 5500 meensen die de taal beheersen, waorvan zo ongeveer 100 as moerstaal.
t Volkslied van Monaco is oek in t Monegaskies, t 'Hymne Monégasque', en is eschreven deur Louis Notari. Notari was de eerste schriever in t Monegaskiese dialekt. Daorveur was der allinnig n mondelinge literatuur in t Monegaskies.
De uutspraak is as in t Italiaans, op dree uutzunderingen nao:
- De ü wörden uutespreuken as de u in buul.
- De œ wörden uutespreuken as de ee in feest.
- De ç wörden uutespreuken as de s in straote.