Thorshoaven (Faeröers: Tórshavn; Deens: Thorshavn) is de heufdstad van de Faeröer. De Faeröer bestaait oet aailaanden dij veur n groot dail zölvenbesturend binnen mor nog aaltied bie de keunekriek van Denmaark heuren. De stad Thorshoaven is legen op t aailaand Streymoy en het 13.000 ienwoners (2008). As de haile metropool mitrekend wör, den binnen der ien Thorshoaven sikkom 20.000 mìnsken. De noam van de stad betaikent hoaven van Thor (Thor zien hoaven) mor de mainste lu ien Thorshoaven zölven nuimen de stad voaker Havn. De stad wör sticht ien de 10e aive en wör tiedens de Twijde Wereldkraig bezet deur t Verainegd Keunekriek.
Klimoat
Ien Thorshoaven binnen de zummers kòld en bie t wintern gemoategd mit tempereturen mainsttieds nait under t vraispunt. Veul wolken zörgen der veur dat der nait veul zunneschien is op t aailaand.
Toal
De toal dij sproken wor ien Thorshoaven is Faeröers en Deens. Aiglieks wor der gain standoard Deens (Rieksdeens) sproken mor Gøtudanskt (Stroatdeens). Dizze sproak is gain dialekt mor n twijde toal veur veul ienwoners van Thorshoaven. Gøtudanskt liekt op Rieksdeens mor de oetsproak komt veul meer overain mit de Faeröerske oetsproak.
 |
Dit artikel is skreaven in et grönningsk. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
