Gaasterlaand-Sloten
From Wikipedia, the free encyclopedia
Remove ads
Gaasterlaand-Sloten (Nederlaans: Gaasterland-Sloten , Fries: Gaasterlân-Sleat) was een gemiente in de perveensie Frieslaand. t Had 10.186 inwoners (1 november 2013, bron: CBS) en een oppervlakte van 209,29 km², waorvan 114,06 km² waeter. Op 1 jannewaori 2014 gong de gemiente op in de ni'je gemiente De Friese Meren.
De gemiente lag an et Iesselmeer in et zuden van de perveensie. In de gemiente lag de streek Gaasterlaand. De gemiente ko'j berieken via de N359.
Remove ads
Ontstaon
De gemiente is nao de gemientelike herindieling op 1 jannewaori 1984 vormd deur de fusie mit de veurmaolige gemientes Gaasterlaand, Sloten en een klein diel van Hemelumer Ooldeferd.
Anvankelik was Gaasterlaand de naeme van de ni'je gemiente, mar al nao aanderhalf jaor, in juni 1985, wodde de naeme wiezigd in et Friestaelige Gaasterlân-Sleat.
Belangriekste plakken
De gemiente Gaasterlaand-Sloten beston uut Sloten, ien van de Friese elf steden, en dattien dörpen. De Nederlaanse naemen weren de officiële. Et heufdplak was et dörp Balk.
De plaknaembodden bin in de hiele gemiente twietaelig Nederlaans en Fries. Omdat de gemiente een veurkeursbeleid veur de Friese naemen propegeerde, wodden de Nederlaanse naemen onder de Friese naemen vermeld.
Stad en dörpen
Antal inwoners per woongebied op 1 jannewaori 2011:
| Stellingwarfse naeme | Friese naeme | Antal |
| Balk | Balk | 3759 |
| Ooldemirdum | Aldemardum | 1350 |
| Bakhuzen | Bakhuzen | 1047 |
| Sloten | Sleat | 763 |
| Wiekel | Wikel | 675 |
| Ni'jmirdum | Nijemardum | 560 |
| Harich | Harich | 525 |
| Sondel | Sondel | 433 |
| Elahuzen | Ealahuzen | 355 |
| Ooldege | Aldegea | 285 |
| Ries | Riis | 179 |
| Roegehuzen | Rûgehuzen | 117 |
| Mirns | Murns | 110 |
| Koolderwoolde | Kolderwâlde | 65 |
Bron: webstee van de veurmaolige gemiente
Remove ads
Wikiwand - on
Seamless Wikipedia browsing. On steroids.
Remove ads