Hammerk

n Hammerk of hamrik is t gebied van n loug. Dizze hamrikken vörmen mit ainander n gemainte.

De noam hammerk is n soamentrekken van de Oldfraise woorden ham = graslaand aan t wotter, en merke = gemainschoppelke grond. Ien summege gevalen is hammerk de noam van n gebied of loug worden. De Fraise benoamen is himrik en de Oostfraise benoamen is lieks as hammerk of hamrik.

Ien de Veenkelonien wordt t ook wel boermande of boermanje nuimd en ien Westerwôlde proat man van n boermaarke. De eerste is ôflaaiden van t Grunnegse woord manen, dat n aander woord is veur soamenwaarken.

Geogroafische noamen mit -hammerk

Grunnen

• De Hammerk (de Hamrik) - gemainte Moarem
• Finnewolsterhammerk (Finsterwolderhamrik) - gemainte Reiderlaand
• Scheemsterhammerk (Nieuw-Scheemda) - gemaainte Scheemde
• Midwolsterhammerk
• Oosterhamrikkanaal en Oosterhamrikkade ien Stad
• Stroatnoam Hamrik in verschaaidene ploatsen

Oostfraislaand

• Bonnerhammerk (Bunderhammrich) - gemainte Bonnen
• Ditzummerhammerk (Ditzumerhammrich) - gemainte Jemmege
• Gaasterhammerk (Tergaster Hammrich) - gemainte Moormerlaand
• De Hammerk (Hammrich) - gemainte Aauwerk

Fraislaand

• De Hammerk (de Himrik) ien gemainte Opsterlaand
• Hoezumerhammerk (Husumer Himrik) ien gemainte Leeuwerd

Leegsaksisch

• Grunnegs*:
  • hammerk of hamrik (Westerkertier, Hunzego, Fivelgo, Oldambt)
  • boermande of boermanje (Westerwôlde)
  • boermarke (Veenkelonien)

* Dizze verschaaidene benoamens hebben niks te doun mit dialektverschillen, môr mit kultuurverschillen tuzzen de gebieden. Dit is verliekensboar mit t faait dat n onnatuurleke woonhoogte ien Grunnen n wierde nuimd wordt en ien Fraislaand n terp. Dit het niks te doun mit t Grunnegs en t Frais, môr wel mit t kultuurverschil tuzzen Grunnen en Fraislaand.