Sark

t Eilaand Sark is ien van de Kanaoleilaanden an de Fraanse kust van Normandië, en beheurt tot t autonome baljuwskop Guernsey, n Brits Kroonbezit, mar het n eigen regeringsvorm en eigen bestuur. De Fraanse naeme veur t eilaand is Sercq, of in t oolde Sarks-Fraans Sèr.

De toegaang tot Sark

Sark is n rustig eilaand waor gien motorvoertugen kommen maggen. De plaetselike bevolking ommezeilt t verbod deur trekkers te gebruken as vervoersmiddel. Veerder worden de fietse en peerd en waegen bruukt. Der wonen zoe'n 600 luden op Sark. De ekonomie is baseerd op t toerisme en de laandbouw.

Der is amperan verlochting op t eilaand waordeur je goed de steerns kunnen bekieken zonder da'j last hebben van lochtversmering. t Eilaand wordde in 2011 uutreupen tot de eerste Dark Sky Community, deur de International Dark-Sky Association. Sark het ok n vuurtoren Point Robert, mar die schient allienig over zee.

Sark het gien polisie, t recht wordt daor deur vri'jwilligers in de haand hoolden. As der iene oppakt wordt, dan wordt e in n sel opsleuten die der al sund 1856 staot, daornao wordt e ophaeld deur de polisie van Guernsey.

Elk jaor wordt op t eilaand t Sark Folk Festival hoolden.

Foto-uutstalling

• Ploatjes van Sark
• 
  verbinding tussen little en great Sark
• 
  postkantoor van Sark
• 
  hotel op Sark
• 
  vervoer op Sark
• 
  de natuur
• 
  de hoaven

Dit artikel is skreaven in et stellingwarvsk.