Westfälisches Wörterbuch

Westfälisches Wörterbuch (kort: WWb, plattduitsk: Westföölsk Woirbeok) es de Tüitel för eun plattduitsk Grootlandschopswoirbeok, dat den plattduitsken Weordschatt van’n westföölschen Dialekten upteuket.

Upbiu un Gestrich

Dat Woirbeok was teoeurst för de ganze preußske Provinz Westfalen, iutbenommen dat Siegerland, wo se middelduitske Dialekte küürt, den niedersassisken Regerungsbezirk Ossenbrügge, de Süüddele van Nienborg, Schaumborg-Lippe, den plattduitsken Dueul van Hessen, un Overhiusen un ümmeteo dacht. Van den tweuden Band af es dat Gestrich wat lüttker worrn un ümmefaat Westfolen, iubenommen dat Siegerland, de plattduitsken Deule van Hessen, de vandage in’n Landkreis Wauldegge-Frankenberg ligget. In’n Noorden langt dat man bet na Landsgrezen van Noordrhüin-Westfolen un Niedersassen, olle Deule, de ook in’n Niedersächsischen Wörterbuch stoot, sind riut. Dat Stücke ümme Overhusen un Essen is van’n tweuten band an ook riut.^[1]

De Lemmata sind in eune histoorske Foorm schrieven, up deu sik de Belege iut den Mundoorden torüggefören loot. Düsse afstrakten Lemmata sind binnen dat Woirbeok nestalphabeetsch insorteurt, dat well seggen dat Komposita un afleid Woir unner dat Hoivdlemma, bi dat se teohäurt, teo’n Büispill steut af-hauen unner hauen. Binnen euen Artikel folgt up dat Lemma Anmärksels teo de Grammatik, denn Angaven wo dat Weord verbreid un wat et heut. Teo de Beteukenissen find sik ook Büispillsätze, Küürsels un Seggwüisen. Up’t letste kümmt wat dteo de Weordafkumst un Verwüise up anner Woir.^[1]

Publikatscheon

Westfälisches Wörterbuch

Herausgegeben von der Kommission für Mundart- und Namenforschung des Landschaftsverbandes Westfalen-Lippe. Kiel/Hamburg: Wachholtz Verlag – Murmann Publishers. ISBN 978-3-529-04610-0

Beiband. Einführung – Abkürzungen – Anlage der Artikel – Lauttabelle – Übersichtskarten, bearbeitet von Felix Wortmann. 1969. 127 S. 3 Karten.

Band I: A-C, bearbeitet von Hermann Niebaum, Hans Taubken, Paul Teepe, Felix Wortmann. 2015. 1648 Sp.

Band II: D-G, bearbeitet von Robert Damme. 2011. 1328 Sp.

Band III: H-L, bearbeitet von Robert Damme. 2015. 1394 Sp.

Band IV: M-Sk, bearbeitet von Robert Damme. 2018. 1460 Sp. € 108,--

Band V: Sl-Y, bearbeitet von Robert Damme. 2021. 1456 Sp. € 108,--

Weblenke

• Westfälsiches Wörterbuch digital in’n Wörterbuchnetz van’n Trier Center for Digital Humanities
• Westfälisches Wörterbuch. In: www.mundart-kommission.lwl.org. Kommission für Mundart- und Namenforschung Westfalens, archiveert von dat Original am 5. Februar 2023; afropen an’n 2. August 2024.