कच्छ जिल्ला

कच्छ जिल्ला पश्चिमी भारतको गुजरात राज्यको एउटा जिल्ला हो, यसको मुख्यालय (राजधानी) भुजमा रहेको छ।४५,६७४ वर्ग किलोमिटर क्षेत्रफल ओगटेको यो जिल्ला भारतको सबैभन्दा ठुलो जिल्ला हो। कच्छको क्षेत्रफल हरियाणा (४४,२१२ वर्ग किलोमिटर) र केरल (३८,८६३ वर्ग किलोमिटर) जस्ता अन्य भारतीय राज्यहरूको सम्पूर्ण क्षेत्रफलभन्दा ठुलो छ। कच्छको जनसङ्ख्या लगभग २०,९२,३७१ रहेको छ। यस जिल्लामा १० तालुक, ९३९ गाउँ र ६ नगरपालिकाहरू रहेका छन्। कच्छ जिल्ला कच्छी भाषा बोल्ने कच्छी मानिसहरूको घर हो।^[1]

कच्छ जिल्ला
गुजरातको जिल्ला
माथि-बायाँबाट घडीको दिशामा: प्राग महल, कोटाई मा सूर्य मन्दिर, मुन्द्रा बन्दरगाह, कच्छको रण, ढोलावीरा
कच्छ जिल्ला
गुजरातमा कच्छ जिल्लाको स्थान
निर्देशाङ्क (भुज): २३°५४′५४″उ॰ ७०°२२′१″पू॰
देश	भारत
राज्य	गुजरात
मुख्यालय	भुज
क्षेत्रफल
• जम्मा	४५६७४ किमी२ (१७६३५ वर्ग माइल)
जनसङ्ख्या  (सन् २०११)
• जम्मा	२०९२३७१
• घनत्व	४६/किमी२ (१२०/वर्ग माइल)
जनसाङ्ख्यिकी
• साक्षरता	७०.५९
• लिङ्ग अनुपात	९०८
• भाषा	कच्छी (मूल भाषा) गुजराती (आधिकारिक)
समय क्षेत्र	युटिसी+०५:३० (भारतीय मानक समय)
वेबसाइट	kachchh.nic.in

कच्छ दक्षिण र पश्चिममा कच्छको खाडी र अरब सागरले घेरिएको छ भने उत्तरी र पूर्वी भाग कच्छको महान रण र सानो रण (मौसमी सिमसार) ले घेरिएको छ। यो भारतको छिमेकी देश पाकिस्तानसँगको सीमाको छेउमा पनि छ। जब यसका नदीहरूमा धेरै बाँधहरू बनाइएको थिएनन्, कच्छको रण वर्षको ठुलो भागको लागि सिमसार थियो। आज पनि, यो क्षेत्र वर्षको एक महत्त्वपूर्ण भागको लागि भिजेको छ। सन् २०११ को जनगणना अनुसार यस जिल्लाको जनसङ्ख्या २०,९२,३७१ रहेको छ जसमध्ये ३०% सहरी थिए।^[2]

सन्दर्भ सामग्रीहरू

1. "About Kutch | About Us | Collectorate - District Kutch", मूलबाट २७ जुन २०१८-मा सङ्ग्रहित, अन्तिम पहुँच ८ फेब्रुअरी २०१६। वेब्याक मेसिन अभिलेखिकरण २७ जुन २०१८ मिति
2. "Census GIS India", Censusindiamaps.net, मूलबाट ११ जनवरी २०१०-मा सङ्ग्रहित, अन्तिम पहुँच १७ नोभेम्बर २०१२। वेब्याक मेसिन अभिलेखिकरण २५ अप्रिल २०१५ मिति