रेम्ब्रान्ड्ट
From Wikipedia, the free encyclopedia
रेम्ब्रान्ड्ट हार्मेन्स्जून भान रिन (डच भाषा: Rembrandt Harmenszoon van Rijn) (जुलाई १५, सन् १६०६ – अक्टोबर ४, सन् १६६९) छम्ह डच चित्रकार व एचर ख। वय्कःयात आपालं युरोपियन इतिहासया दक्ले तःधंपिं चित्रकार व प्रिन्टमेकरय् छम्ह व नेदरल्याण्डया इतिहासया दक्ले महत्त्वपूर्ण कलाकारयअ रुपय् कायेगु या। [1] वय्कःया कलाया युगयात डच सुवर्ण युग धायेगु या।
Rembrandt Harmenszoon van Rijn | |
बुगु नां | Rembrandt Harmenszoon van Rijn |
बुगु | (1606-07-15)जुलाई 15, सन् 1606 Leiden, नेदरल्याण्ड्स |
मदुगु | अक्टोबर 4, 1669(1669-10-04) (आयु 63) एम्स्टरड्याम, नेदरल्याण्डस् |
राष्ट्रियता | दच |
ख्यः | Painting, Printmaking |
आन्दोलन | दच स्वर्ण युग किपा |
ज्या | Danaë, 1636 Jacob de Gheyn III, 1632 |
तरुणावस्थाय् पोर्ट्रेट किपामिया कथं सफल जुयादिम्ह वय्कलं जीवनया उत्तरार्धय् यक्व व्यक्तिगत दुःख व आर्थिक समस्या फयादिल। अथे जुसां वय्कःया किपा वय्कःया जीवनय् हे सिक्क नांजाल व वय्कःयात किपामिया रुपय् जीवनदच्छि हे हनिगु जुल। [2] वय्कलं २० दँ तक्क सकल थें हे नांजापिं डच किपामितयेत किपा स्यनादिल। [3] वय्कःया दक्ले सीर्जनशील सफलता वय्कःया प्रोट्रेट किपा, आत्म किपा व बाइबलया क्षणतेगु किपाय् खने दु। वय्कःया आत्मकिपातयेसं वय्कःया छगू अलग व आत्मीय आत्मकथा देकूगु दु गुकिलि किपामिं थःयात इमानदार कथं निरिक्षण याःगु दु। [4]
किपा व प्रिन्टमेकिङ निगुलिं हे ख्यले वय्कलं प्राचीन आइकोनोग्राफीइ थःगु ज्ञान क्यनादिगु दु। थ्व ज्ञानयात वय्कलं थःगु आवश्यकता व अनुभव कथं बांलाकादिगु दु। बिब्लिकल क्षणया वय्कःया किपाय् वय्कलं सफू, क्लासिकल कम्पोजिसन व एम्स्टरड्यामय् वय्कलं खनादिगु यहुदी जनसंख्याया वर्णन खनेदु । [5] वय्कःया मानवीय अवस्थाया बुझया निंतिं वय्कःयात "सभ्यताया दक्ले तधंपिं प्रोफेटय् छम्ह" (one of the great prophets of civilization) धका नं हनिगु या। [6]