क्यानादा

क्यानाडा उत्तर अमेरिकाय् स्थित छगू सार्वभौम राज्य खः। थ्व देय्या राजधानी ओतावा व दकलय् तःधंगु नगर तोरन्तो ख। थ्व देसय् १०गू प्रान्त व ३गू क्षेत्र दु। थ्व देय् एत्लान्तिक महासागरं प्रशान्त महासागर तक्क थ्यं। थ्व देय्‌या उत्तरय् आर्तिक महासागर ला। थ्व देय्‌या क्षेत्रफल ९.९८ मिलियन वर्ग किमि (३.८५ मिलियन वर्ग माइल) दु। थ्व क्षेत्रफल नापं थ्व देय् हलिंया दकलय् तधं (कूल क्षेत्रफल) देय्‌या धलखय् निगु थासय् ला। संयुक्त राज्य अमेरिका नाप् थ्व देय्‌या ८,८९१ किलोमिटर (५,५२५ माइल) हाकःगु दक्षिणी व पश्चिमी सीमा स्वा। थ्व सीमाना हलिंया दकलय् ताःहाकःगु द्विराष्ट्रीय भूमि सीमा ख।

Canada

ध्वांय Coat of arms
म्ये: "O Canada" Royal anthem: "God Save the King"
क्यानादायागु नक्सा
राजधानी	Ottawa 45°24′N 75°40′W
तधंगु सहर	तोरन्तो
औपचारिक भाय	कनेदियन अंग्रेजी, फ्रेञ्च भाषा
सरकार	संघीय संवैधानिक राजतन्त्र
- Monarch	चार्ल्स तृतीय
- Governor General	मेरी साइमन (Mary Simon)
- Prime Minister	मार्क कार्नी (Mark Carney)
Independence	From the UK
- BNA Act	July 1 1867
- Statute of Westminster	December 11 1931
- Canada Act	April 17 1982
क्षेत्रफल
- फुकं	9,984,670 किमि² (2nd)
	(3,854,085 वर्ग माइल)
- लयागु प्रतिशत (%)	8.92 (891,163 km²)
जनसंख्या
- 2006 एस्टिमेटेड	32,623,490 (36th)
- 2001 सेन्सस्	30,007,094
- जनघनत्व	3.2/किमि² (219th) (8.3/वर्ग माइल)
कुल ग्राहस्थ उत्पादन (पि पि पि)	2005 एस्टिमेट
- फुकं	$1.105 trillion (11th)
- प्रति छ्यं	$34,273 (7th)
मुद्रा	Canadian dollar ($) (CAD)
ई क्षेत्र	(UTC-3.5 to -8)
- वर्खा (DST)	(UTC-2.5 to -7)
इन्टरनेट TLD	.ca
कलिंग कोड	+1

नां

क्यानाडा खँग्वः व्युत्पत्तिया निंतिं थी-थी बिचाः दु। वर्तमानय् थ्व नां सेन्ट लरेन्स इरोक्वाइन खँग्वः kanata गुकिया अर्थ "गां" वा "बस्ती" नं वःगु धागु मान्यता दु।^[१] सन् १५३५इ थौंकन्हय्या क्वेबेक सिटी क्षेत्रया आदिवासी बासिन्दातेसं थ्व खँग्वः छ्येला फ्रान्सेली अन्वेषक ज्याक्स कार्टियरयात स्तादाकोना गामय् यंकल। ^[२]कार्टियरं लिपा क्यानाडा खँग्वः उगु विशेष गामय् जक्क मजुसें दोनाकोना (स्टाडाकोनाया प्रमुख)या अधीनय् लाःगु मुक्कं क्षेत्रया निंति यात। सन् १५४५ तक्क युरोपेपियन सफू व मानकिपाय् सेन्ट लरेन्स खुसिया सिथय् च्वंगु थ्व चिधंगु क्षेत्रयात क्यानाडा धकाः धायेगु शुरु जुल।

१६गु शताब्दी निसें १८गु शताब्दीया सुरुइ क्यानाडा खँग्वः सेन्ट लरेन्स खुसिया सिथय् लाःगु न्हुगु फ्रान्सया भागयात म्हसीकेगु खँग्वः जुल।^[३] न्यू फ्रान्सय् बेलायतीतेसं त्याकेधुंका थ्व थाय् यात सन् १७६३ निसें १७९१ तक्क बेलायती प्रान्त क्वेबेकया नामं म्हसीकल।^[४] सन् १७९१इ थ्व थाय् अपर क्यानाडा व लोअर क्यानाडा नांया निगु ब्रिटिश उपनिवेश जुल। थ्व निगु उपनिवेशयात सन् १८४१इ क्यानाडा प्रान्तया रुपय् एकीकरण मजुतले सामूहिक रुपय् क्यानाडाया रुपय् कायेगु या।^[५]

सन् १८६७इ कन्फेडेरेसन जुइधुंका लन्दन सम्मेलनय् क्यानाडायात न्हुगु देय्या कानूनी नांया रुपय् नालाकाल व देय्यात डोमिनियन उपाधि प्रदान यात।^[६] सन् १९५०या दशकय् बेलायतं क्यानाडायात डोमिनियन मधाःसें क्यानाडायात "राष्ट्रमंडलया क्षेत्र"या रुपय् कायेगु यात।^[७]

क्यानाडाया संविधानयात पूर्ण रुपं क्यानाडाया नियन्त्रणय् हःगु क्यानाडा ऐन १९८२य् "क्यानाडा" जक उल्लेख यानातःगु खः। व दँया लिपांगु इलय् राष्ट्रिय बिदाया नां डोमिनियन डें हिलाः क्यानाडा डे जूवन।^[८]

इतिहास

द्वलंद्व दँ तक आः क्यानादा दूगु भूमिइ आदिवासी क्यानेदियनतेगु बस्ती दयाच्वन। १६गू शताब्दीया शुरुआतय् ब्रिटिश व फ्रेञ्च अन्वेषणकर्तातेसं एटलांटिक तटय् थःगु बस्ती बिस्तार यात। विभिन्न सशस्त्र संघर्षतेगु लिच्वया कथं फ्रान्सं सन् १७६३स उत्तर अमेरिकाय् थःगु लगभग दक्वं उपनिवेश त्वतल।

अर्थतन्त्र

थ्व देय्या दकलय् चकंगु नगर तोरन्तो ख। थ्व देय्या मेमेगु मू नगरय् अःतावा, भ्यान्कुभर, मोन्त्रियल, एद्मन्तन, क्याल्गेरी आदि ला।

राजनीति