From Wikipedia, the free encyclopedia
कोलकाता भारतया पूर्वाञ्चलया पश्चिम बंगाल राज्यया राजधानी, प्रधान वाणिज्यकेन्द्र व दक्ले तधंगु नगर ख। हुगली खुसिया पूर्ब तटय् अवस्थित[1] थ्व नगरया जनसंख्या ५० लखस्वया अप्व। नापं कोलकाता जिल्ला व नापंया क्षेत्रया जनसंख्या काःसा थनया जनसंख्या १ कोटि ४० लख ति दै। थ्व जनसंख्याया कारणं कोलकाता भारतया दक्ले तःधंगु नगरय् छगू व हलिमया दक्ले अप्व जनसंख्या दूगु नगरय् छगो नगरया रुपय् पलिस्था जूगु दु। [2] कोलकाताया उत्तरय् उत्तर २६ परगना जिल्ला, पूर्व उत्तरय् दक्षिण २६ परगना जिल्ला व दक्षिणय् दक्षिण २६ परगना जिल्ला ला। पश्चिमय् हुगलि खुसिं थ्व नगरयात हाओडा जिल्ला नाप बायातःगु दु।
कोलकाता | |
— city — | |
निर्देशाङ्क | |
देय् | भारत |
राज्य | पश्चिम बंगाल |
जिल्ला | कोलकाता |
जनसङ्ख्या | ४,५८०,५४४ (२००१[update][[Category:Articles containing potentially dated statements from Expression error: Unexpected < operator. ]]) |
ई लागा | IST (UTC+05:30) |
विस्तार • जाः |
• [convert: %s]%s |
सन् १७७२ सालय् मुर्शिदाबाद नगरं बंगालया राजधानी कलकाताय् स्थानान्तरित यात। सन् १९११ साल पर्यन्त कलकाता बंगालया जक्क मखुसें समग्र ब्रिटिश भारतया राजधानी जुल। सन् १९२३ सालय् क्यालकाटा म्युनिसिपल एक्टया अधीनय् कलकाताय् स्थानीय स्वायत्त शासनया निंतिं कलकाता पौरसंस्था स्थापित जुल। सन् १९४७ सालय् भारत विभाजन धुंका कलकाता नवगठित पश्चिमबङ्ग राज्यया राजधानी घोषित जुल। थ्व ईले कोलकाता आधुनिक भारतया शिक्षा, बिज्ञान, शिल्प, संस्कृति व राजनीतिया छगू मू थासय् परिवर्तित जुवन।
कलकाता नगरया प्रसिद्धि थ्व नगरया बैप्लबिक आन्दोलन व सुदीर्घ सांस्कृतिक ऐतिहासया आधारय् दु। भारतीय स्वतन्त्रता संग्राम व बामपन्थी गणआन्दोलनय् थ्व नगरया बिशेष भूमिका दु। आधुनिक भारतया प्रधान सांस्कृतिक आन्दोलनतयेगु प्राणकेन्द्रया रुपय् कलकातायात नालेगु या। अतः, थ्व नगरयात भारतया सांस्कृतिक राजधानीया रुपय् नं नालेगु या।[3] राजा राममोहन राय, रवीन्द्रनाथ ठाकुर, स्वामी विवेकानन्द, रोनाल्ड रस, सुभाषचन्द्र बसु, मदर तेरेसा, सत्यजित राय, सत्येन्द्रनाथ बसु, सि भि रामन, अमर्त्य सेन थें न्यापिं विश्वविख्यात मनुतयेगु कार्यभूमि नं कोलकाता ख।
थ्व छगु सिक्क हे पुलांगु सहर खः। बेलायतीतेगु ईले थ्व सहर राजधानी नं जुगु ख।
थ्व शहरयागु अक्षांश व देशान्तर खः 22.5726723°N 88.3638815°E ।[4]समुद्र सतह स्वया थ्व थाय १३ मिटर (४२ फुट) च्वे ला।
भारतयागु दं २००१ यागु जनगणना कथं कोलकाता शहरयागु जनसंख्या ४,५८०,५४४ खः।[5] थुकिली मिजंत ५५%, व मिसात ४५% दु।
थनयागु साक्षरता प्रतिशत ७५% दु, । मिजंतेगु साक्षरता ७८% दु, व मिसातेगु साक्षरता ७१% दु। सकल भारतयागु साक्षरता प्रतिशत ५९.५%, स्वया कोल्काता यागु साक्षरता अप्व दु। थ्व शहरयगु जनसंख्याय् ८% ६ दं स्वया म्हो जु।
थ्व सहरय् येक्व छ्येलिगु भाय् बंगाली, हिन्दी, अंग्रेजी आदि खः।
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.