![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b7/Arabian_Peninsula_dust_SeaWiFS.jpg/640px-Arabian_Peninsula_dust_SeaWiFS.jpg&w=640&q=50)
Den arabiske halvøya
From Wikipedia, the free encyclopedia
Den arabiske halvøya (arabisk شبه الجزيرة العربية šibh al-jazīra al-ʻarabīya) eller berre Arabia er ei ørkendekt halvøy i Sørvest-Asia, mellom Afrika og resten av Asia. Området er ein viktig del av Midtausten og spelar ei særs viktig geopolitisk rolle med store førekomstar av olje og naturgass. I 2008 var det om lag 70 millionar innbyggjarar på Den arabiske halvøya.
![Thumb image](http://upload.wikimedia.org/wikipedia/commons/thumb/b/b7/Arabian_Peninsula_dust_SeaWiFS.jpg/640px-Arabian_Peninsula_dust_SeaWiFS.jpg)
Vest for halvøya ligg Raudehavet og Aqababukta, i søraust ligg Arabiahavet (ein del av Indiahavet) og i nordaust Omanbukta, Hormuzsundet og Persiabukta.
I nord grensar halvøya til den iranske og irakisk fjellkjeda Zagros, eit område med kontinental heving der den arabiske jordskorpeplata møter den asiatiske. Ho glir over i Den syriske ørkenen utan klåre skiljeliner.