Genève
From Wikipedia, the free encyclopedia
Genève er den nest største byen i Sveits (etter Zürich) og den største byen i den fransktalande delen av landet. Han ligg der elva Rhônen renn ut frå Genfersjøen (fransk: Lac Léman, men innbyggjarane i Genève liker å kalle han Lac de Genève) og er hovudstad i kantonen Genève.
Genève | |||
---|---|---|---|
Øvst til venstre:SN-bygningen, Miden venstre: CERN-laboratoriet, Høgre: Jet d'Eau, Botn: Utsyn over Genève og innsjøen. | |||
| |||
Plassering | |||
Styresmakter | |||
Land | Sveits | ||
Kanton | Genève | ||
Distrikt | ingen | ||
Språk | fransk | ||
Borgarmeister | Pierre Maudet | ||
Geografi | |||
Flatevidd - kommune |
15,86 km² | ||
Innbyggjarar - kommune (august 2011) - folketettleik |
191 803 12 093,5 /km² | ||
Koordinatar | 46°12′0″N 6°09′0″E | ||
Høgd over havet | 375 moh | ||
Diverse annan informasjon | |||
Postnummer | 1200 | ||
Nettstad: ville-geneve.ch |
Namnet på byen er på fransk Genève, tysk Genf, italiensk Ginevra og på retoromansk Genevra. På engelsk blir byen kalla Geneva.
Sjølve kommunen (ville de Genève) har 191 803 (august 2011), medan kanton Genève (République et Kanton de Genève, som omfattar byen) has 464 677 (juli 2011).[1] I 2007 hadde storbyområde, Stor-Genève, 1 240 000 innbyggjarar, fordelt på 189 kommunar i Sveits og Frankrike.
Genève er ein global by, eit finanssenter og eit verdssenter for diplomati, og det viktigaste senteret for Dei sameinte nasjonane i lag med New York. Mange internasjonale organisasjonar held til her, og mange av SN-organisasjonane[2] og Raude krossen har hovudkontora sine her.[3] Det er òg staden der Genèvekonvensjonane vart signerte, som hovudsakleg omhandlar handsaminga av sivile i krig og krigsfangar.
Genève var rangert som det 13. viktigaste finanssenteret i verda,[4] og i 2009 vart Genève kåra til byen med tredje høgast levestandard i verda (like bak Zürich).[5] I 2009 og 2011 vart Genève rangert som høvesvis den fjerde og femte dyraste byen i verda.[6]