![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5c/Aska_in_Hagebyh%25C3%25B6ga_gold_foil_figure_2020-12_photo_Bj%25C3%25B6rn_Falkevik.jpg/640px-Aska_in_Hagebyh%25C3%25B6ga_gold_foil_figure_2020-12_photo_Bj%25C3%25B6rn_Falkevik.jpg&w=640&q=50)
Gullgubbe
prega gullplate / From Wikipedia, the free encyclopedia
Gullgubbe er ei arkeologisk nemning på miniatyrbilete i tynt gullblekk, somme i sølvblekk, frå jarnalderen. Bileta, som ikkje er større enn ein tommelfinger-negl, er anten prega inn i blekket frå baksida med eit stempel, ofte etterarbeida med ein spiss reiskap, eller berre forma med ein slik reiskap. Som gullgubbar vert òg rekna små figurar klippa ut av gullblekk.
![Thumb image](http://upload.wikimedia.org/wikipedia/commons/thumb/5/5c/Aska_in_Hagebyh%C3%B6ga_gold_foil_figure_2020-12_photo_Bj%C3%B6rn_Falkevik.jpg/640px-Aska_in_Hagebyh%C3%B6ga_gold_foil_figure_2020-12_photo_Bj%C3%B6rn_Falkevik.jpg)
![Thumb image](http://upload.wikimedia.org/wikipedia/commons/thumb/a/a6/SorteMuld_guldgubber_600px.jpg/320px-SorteMuld_guldgubber_600px.jpg)
![Thumb image](http://upload.wikimedia.org/wikipedia/commons/f/f8/Goldgubb.jpg)
Gullgubbar er berre funne i Noreg, Sverige og Danmark, dei fleste i Danmark. I området Sorte Muld på øya Bornholm har det kome for dagen fleire enn to tusen, og eit hundretals vart funne under utgravingar i Lundeborg på Fyn. I Sverige er eit par hundre gullgubbar funne tett ikring eit stolpehol inne i restane etter ein bygning, tolka som eit heidensk kulthus, i Uppåkra i Skåne. I Noreg er det mellom anna funne gullgubbar i hol etter stolper under mellomalderkyrkja på Mære i Trøndelag, og ein reknar difor med at kyrkja står på staden for ei førkristen bygning som har vore viktig i si tid. Gullgubbar vart òg funne under utgravingar av eit stort vikingtidshus på Borg på Vestvågøya i Lofoten.