Hunua Ranges

Hunua Ranges er ei rekkje åsar søraust for Auckland på Nordøya på New Zealand. Dei dekkjer om lag 250 km², av dette er 178 km² verna område, og dei når ei største høgde på 688 moh. ved Kohukohunui. Auckland får mykje av vasstilførsla si frå reservoar i Hunua Ranges.

Hunua Ranges
åsrekkje
Land	New Zealand
Hunua Ranges 37.07°S 175.18°E / -37.07; 175.18
Wikimedia Commons: Hunua Ranges

Skogane og åsane var i føreuropeisk tid nytta av maoriar for å skaffa mat, tømmer og som tilfluktsstad, men mindre for permanent busetnad. Området vart etter kvart kjøpt opp for å byggja ut vassforsyninga til Auckland, og seinare innlemma i dei regionale offentlege parkanlegga.

Åsane ligg om lag 50 km søraust for Auckland, ovanfor den vestlege breidda til havarmen Firth of Thames. Busetjinga er spreidd i området, det meste ligg innanfor grensene til Waharau og Hunua Ranges Regional Park. Somme kallar feilaktig området for Bombay Hills, men dette er i røynda ei mindre åsrekkje som ligg sørvest for Hunua Ranges.

Kjelder

• «Hunua Ranges», An Encyclopaedia of New Zealand, redigert av A. H. McLintock, utgjeven i 1966. Te Ara - The Encyclopedia of New Zealand, oppdatert 26. september 2006.
• Hunua Arkivert 2007-10-02 ved Wayback Machine. og Waharau Arkivert 2007-02-02 ved Wayback Machine. Regional Parks, Auckland Regional Council.

Denne geografiartikkelen er ei spire. Du kan hjelpe Nynorsk Wikipedia gjennom å utvide han.