Københavns Lufthavn, Kastrup

Københavns Lufthavn, Kastrup (med IATA-lufthamnskode CPH, SN-luftfartsorganisasjonen ICAOs lufthamnskode EKCH) ligg om lag åtte kilometer frå sentrum av København i Danmark, på øya Amager, i Tårnby kommune, med litt av arealet i Dragør kommune, og er den største lufthamna (flyplassen) i Norden. Lufthamna vart skipa i 1925 med namnet Kastrup Lufthavn, og er såleis mellom dei eldste internasjonale lufthamnene i Europa.

Københavns Lufthavn, Kastrup
IATA	CPH
ICAO	EKCH
Tener	Copenhagen metropolitan area
Stad	Tårnby kommune
Opna	20. april 1925
Høgd	16 fot
Koordinatar	55°37′5″N 12°39′22″E
Nettstad	http://www.cph.dk/

Oversyn over sentrale delar av Københavns Lufthavn, Kastrup.

Kart over Københavns Lufthavn, Kastrup.

Flyfotografi av lufthamna.

Lufthamna har tre terminalar: Terminal 1 for innanriksflygingar og terminal 2 og 3 for utanriksflygingar. Dessutan er det ein terminal for lågprisflyselskap, CPH Go, som ligg som ei forlenging av terminal 3 og eigenleg ikkje er ein eigen terminal, men berre ei fellesnemning for dei ti utgangane (gates) F1-F10. Innsjekkinga for alle avgangar frå CPH Go går føre seg i terminal 2. Ingen stader på lufthamna er det lov til å røyke.

Det er to parallelle og ei tversgåande rullebane på lufthamna. Dei parallelle er 22L/04R, med ei lengd på 2994 meter i retninga 220° sørvestleg/40° nordaustleg og 22R/04L med ei lengd på 3295 meter i retninga 220°/40°. Den tversgåande rullebana 12/30 har ei nyttelengd på 2360 meter, men er om lag 400 meter lengre i den nordvestlege enden, og ligg i retninga 122° sørdaustleg/302° nordvestleg. Alle tre banene er utstyrt med instrumentlandingssystem (ILS), eit system av radiosendarar på bakken og mottakarutstyr i flya syter for å gje flygaren hjelp til å halde rett rute under den siste strekninga inn mot rullebanen. Bane 22L har dessutan landingssystemet ILS-CAT III som gjer at fly med tilsvarande utstyr kan lande med 0 meters sikt i stille vêr. Lufthamna ligg nær havnivået og utan hinder av åsar eller høge bygningar i innflygingsområda.

Bakgrunnsstoff

• Offisiell nettstad
• Københavns Lufthavns internettside med opplysningar om eigartilhøva og driftsansvaret. Arkivert 2013-05-30 ved Wayback Machine.
• Københavns Lufthavns internettside med faktaopplysningar om lufthamna på Kastrup. Arkivert 2013-05-13 ved Wayback Machine.
• Københavns Lufthavns internettside med soga om lufthamna. Arkivert 2010-09-11 ved Wayback Machine.
• Lova om selskapet Københavns Lufthavne A/S.
  Denne artikkelen er ei spire. Du kan hjelpe Nynorsk Wikipedia gjennom å utvide han.