![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fc/Copenhagen_airport_from_air.jpg/640px-Copenhagen_airport_from_air.jpg&w=640&q=50)
Københavns Lufthavn, Kastrup
From Wikipedia, the free encyclopedia
Københavns Lufthavn, Kastrup (med IATA-lufthamnskode CPH, SN-luftfartsorganisasjonen ICAOs lufthamnskode EKCH) ligg om lag åtte kilometer frå sentrum av København i Danmark, på øya Amager, i Tårnby kommune, med litt av arealet i Dragør kommune, og er den største lufthamna (flyplassen) i Norden. Lufthamna vart skipa i 1925 med namnet Kastrup Lufthavn, og er såleis mellom dei eldste internasjonale lufthamnene i Europa.
Københavns Lufthavn, Kastrup | |||
![]() | |||
IATA | CPH ![]() | ||
---|---|---|---|
ICAO | EKCH ![]() | ||
Tener | Copenhagen metropolitan area ![]() | ||
Stad | Tårnby kommune ![]() | ||
Opna | 20. april 1925 ![]() | ||
Høgd | 16 fot ![]() | ||
Koordinatar | 55°37′5″N 12°39′22″E ![]() | ||
Nettstad | http://www.cph.dk/ ![]() |
![Thumb image](http://upload.wikimedia.org/wikipedia/commons/thumb/0/0b/CPH-map.svg/640px-CPH-map.svg.png)
![Thumb image](http://upload.wikimedia.org/wikipedia/commons/thumb/1/14/Copenhagen-Airport-from-air_%28cropped%29.jpg/640px-Copenhagen-Airport-from-air_%28cropped%29.jpg)
Lufthamna har tre terminalar: Terminal 1 for innanriksflygingar og terminal 2 og 3 for utanriksflygingar. Dessutan er det ein terminal for lågprisflyselskap, CPH Go, som ligg som ei forlenging av terminal 3 og eigenleg ikkje er ein eigen terminal, men berre ei fellesnemning for dei ti utgangane (gates) F1-F10. Innsjekkinga for alle avgangar frå CPH Go går føre seg i terminal 2. Ingen stader på lufthamna er det lov til å røyke.
Det er to parallelle og ei tversgåande rullebane på lufthamna. Dei parallelle er 22L/04R, med ei lengd på 2994 meter i retninga 220° sørvestleg/40° nordaustleg og 22R/04L med ei lengd på 3295 meter i retninga 220°/40°. Den tversgåande rullebana 12/30 har ei nyttelengd på 2360 meter, men er om lag 400 meter lengre i den nordvestlege enden, og ligg i retninga 122° sørdaustleg/302° nordvestleg. Alle tre banene er utstyrt med instrumentlandingssystem (ILS), eit system av radiosendarar på bakken og mottakarutstyr i flya syter for å gje flygaren hjelp til å halde rett rute under den siste strekninga inn mot rullebanen. Bane 22L har dessutan landingssystemet ILS-CAT III som gjer at fly med tilsvarande utstyr kan lande med 0 meters sikt i stille vêr. Lufthamna ligg nær havnivået og utan hinder av åsar eller høge bygningar i innflygingsområda.