![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/95/Vista_de_El_Aai%25C3%25BAn.jpg/640px-Vista_de_El_Aai%25C3%25BAn.jpg&w=640&q=50)
El Aaiún
From Wikipedia, the free encyclopedia
El Aaiún (arabisk العيون, translitterert al-ˁūyūn, 'Kjeldene', også skrive Aaiún, Aiún, Al-Aaiún, Laâyoune og Layonn) er ein by i Vest-Sahara grunnlagt av Spania i 1928.[1] Sidan 1976 har byen vore administrert av Marokko,[2] som reknar Vest-Sahara som del av sitt territorium. El Aaiún høyrer til den marokkanske regionen Laâyoune-Boujdour-Sakia El Hamra, som ligg i både Marokko og Vest-Sahara. Polisario, som gjer krav på Vest-Sahara som Den saharawiske arabiske demokratiske republikken, reknar El Aaiún som hovudstad i landet, medan de facto hovudstad er Bir Lehlou.
El Aaiún | |||
Land | ![]() | ||
---|---|---|---|
Region | Laâyoune-Boujdour-Sakia El Hamra | ||
Areal | 8,1081 km² | ||
Folketal | 199 476 | ||
Tidssone | Vestafrikansk tid (UTC+0) | ||
![]() El Aaiún 27.153611°N 13.203333°W / 27.153611; -13.203333 | |||
Wikimedia Commons: El Aaiún | |||
Byen har eit folketal på 199 476 (2012 est.),[3] og er den største byen i Vest-Sahara. Byen er eit veksande økonomisk senter i det Marokko reknar som sine sørprovinsar. Innbyggjarane er ei blanding av marokkanarar frå nord, saharawiar frå sørleg marokkansk Sahara og innfødde vestsahararar (som utgjer ein femtedel av befolkninga).[4]