![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/90/Northeast_india.png/640px-Northeast_india.png&w=640&q=50)
Nordaust-India
From Wikipedia, the free encyclopedia
Nordaust-India er den austlegaste regionen i India og er knytt til Aust-India av ein smal landkorridor mellom Nepal og Bangladesh. Det omfattar fleire mindre delstatar kjende som «dei sju systerstatane»: Arunachal Pradesh, Assam, Manipur, Meghalaya, Mizoram, Nagaland og Tripura, og Sikkim i Himalaya. Regionen grensar til Kina (Sør-Tibet) i nord, Myanmar (Burma) i aust, Bangladesh i sørvest og Bhutan i nordvest.
![Thumb image](http://upload.wikimedia.org/wikipedia/commons/thumb/d/d2/SevenSisterStates.svg/320px-SevenSisterStates.svg.png)
Nordaust-India | |||
Land | ![]() | ||
---|---|---|---|
Statar | Arunachal Pradesh, Assam, Manipur, Meghalaya, Mizoram, Nagaland, Sikkim, Tripura | ||
Byar | Guwahati | ||
Folketal | 38 857 769 | ||
Tidssone | IST (UTC+5:30) | ||
![]() Nordaust-India 26°N 92.7°E / 26; 92.7 | |||
Wikimedia Commons: Northeast India | |||
Området utgjer rundt 8 % av den indiske landmassen. Dei om lag 39 millionar innbyggjarane i Nordaust-India utgjer rundt 3,1 % av den totale folkemengda i India, om lag like mykje som delstaten Odisha.
Statane har eit eige råd, North Eastern Council (NEC), og eit indisk utviklingsdepartement, Ministry of Development of North Eastern Region (MDONER). Bortsett frå Goalpara-regionen i Assam er alle statane nykomarar til India. Brahmaputradalaen i Assam blei del av Britisk India i 1824, og åsområda endå seinare. Fyrstestaten Sikkim blei del India etter ei folkerøysting i 1975 og blei teken med i Nordaust-regionen på 1990-talet.
Regionen har over 220 ulike folkegrupper som snakkar språk frå tre ulike språkfamiliar: Den indoariske, den sinotibetanske og den austriske. Assamesisk er eit stort språk som blir brukt som lingua franca av mange innbyggjarar. Andre større og offisielle språk er manipuri, sylheti, kak-borak, bengali, nepali og sikkimesisk.