![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/87/TangoCouple.jpg/640px-TangoCouple.jpg&w=640&q=50)
Pardans
From Wikipedia, the free encyclopedia
Pardans viser til dansar som blir utført av eit koordinert par, ofte ein mann og ei kvinne. Slike dansar kan brukast til selskapsdans, i dansetevlingar eller til oppvising. Nokre kjende pardansar er vals, polka, salsa og tango.
![Thumb image](http://upload.wikimedia.org/wikipedia/commons/thumb/8/87/TangoCouple.jpg/320px-TangoCouple.jpg)
![Thumb image](http://upload.wikimedia.org/wikipedia/commons/thumb/a/a8/March_of_Dimes_dance_at_Newhalem%2C_Washington%2C_1954.jpg/640px-March_of_Dimes_dance_at_Newhalem%2C_Washington%2C_1954.jpg)
![Thumb image](http://upload.wikimedia.org/wikipedia/commons/thumb/4/4a/Moscow_July_2011-53.jpg/640px-Moscow_July_2011-53.jpg)
![Thumb image](http://upload.wikimedia.org/wikipedia/commons/thumb/2/22/Fotothek_df_roe-neg_0006323_028_Tanzpaar.jpg/320px-Fotothek_df_roe-neg_0006323_028_Tanzpaar.jpg)
![Thumb image](http://upload.wikimedia.org/wikipedia/commons/thumb/6/6a/Pi%C3%B1era_y_von_Baer_bailan_cueca.jpg/640px-Pi%C3%B1era_y_von_Baer_bailan_cueca.jpg)
Para i pardans held ofte i kvarandre, anten symmetrisk, til dømes ved at ein held kvarandre i hendene, eller asymmetrisk, der paret til dømes kan dansa i ei slags omfamning. I nokre dansar løyser para seg opp no og då, og i ein del folkedansar som blir dansa i par rører dansarane ikkje ved kvarandre i det heile.
Pardans kan utførast på ein enkelt stad eller paret kan flytta seg på dansegolvet, i same retning som andre par, danseretningen. I dei fleste europeiske pardansar flyttar ein seg, medan til dømes mange amerikanske pardansar kan vera stasjonære. I mange pardansar har éin dansar, typisk mannsdansaren, ei leiarrolle medan den andre dansaren følgjer.
Pardans kan ha ei viktig symbolsk tyding, som brurevalsen som ofte blir dansa ved bryllaup.