Provinsen Messina

Provinsen Messina (italiensk Provincia di Messina; siciliansk Pruvincia di Missina) er ein provins i regionen Sicilia i Italia. Hovudstaden er byen Messina. Han har eit areal på 3 247 km² og totalt 662 450 innbyggjarar (2005). Det er 108 kommunar i provinsen.

Provinsen Messina

Nasjon	Italia
Region	Sicilia
Hovudstad	Messina
Areal	3 247 km²
Folketal (2005)	662 450
Folketettleik	204/km²
Kommunar	108
Bilnummer	ME
Postnummer	98000-98100
Retningsnummer (tlf)	090, 0941, 0942
President	Salvatore Leonardi
Plasseringa til Messina i Italia

Provinsen omfattar Dei eoliske øyane, som alle er ein del av kommunen Lipari (bortsett frå øya Salina). Området er stort sett fjellkledd bortsett frå elveslettene ved munningen til dei forskjellige elvane. Den største sletta ligg i området mellom Milazzo og Barcellona Pozzo di Gotto, som i lag med Messina dannar eit storbyområde med om lag 500 000 innbyggjarar, eit av dei største i Sør-Italia. Mykje av innbyggjarane bur langs kysten etter at åsbyane stort sett vart forlatne på 1800-talet.

Den største fjellryggane er Peloritani (opp til 1300 m) og Nebrodi (opp til 1900 m) , som begge er ein del av eit regionalt naturreservat.

Av elvar i provinsen finn ein Alcantara og Pollina, som dannar grense mot provinsen Palermo i vest.

Dei største kommunane er:

Kommune	Innbyggjarar
Messina	246 951
Barcellona Pozzo di Gotto	41 157
Milazzo	32 600
Patti	13 241
Sant'Agata di Militello	13 026
Capo d'Orlando	12 928
Taormina	10 909
Lipari	10 782

Bakgrunnsstoff

• Offisiell side Arkivert 2010-02-13 ved Wayback Machine.
• Bilde, historie og ymse anna
• Reiseguide Arkivert 2006-11-08 ved Wayback Machine.

Kjelder

• Denne artikkelen er basert på ei omsetjing av artikkelen Province of Messina frå Engelsk Wikipedia .