São Jorge

São Jorge er ei øy sentralt i Asorane i Portugal. Ho ligg 15 km frå Pico. Frå aust til vest er ho 53 km lang, og frå nord til sør 8 km brei. Arealet hennar er 237,59 km² og ho har om lag 10 500 innbyggjarar.

São Jorge
Geografi
Stad	Atlanterhavet
Koordinatar	38°39′N 28°5′W
Øygruppe	Asorane
Areal	237,59 km²
Høgaste punkt	Pico da Esperança (1053 moh.)
Administrasjon
Land	Portugal
Autonom region	Asorane
Største busetnad	Velas (5585 innb.)
Demografi
Folketal	10500
Folketettleik	44 /km²

Ho vart først oppdaga i 1439, men vart ikkje folkesett før tjue år seinare då kolonistar frå nordlege område av Europa kom hit. São Jorge er ei vulkansk øy, som mange av dei andre azoriske øyane er. Vulkanen hadde seks utbrot mellom 1580 og 1907. Ti menneske mista livet i 1580-utbrotet og åtte i 1808. I begge utbrota vart det rapportert om glødande skyer. Eit mogeleg undersjøisk utbrot vart rapportert ved øya i 1964, men ikkje stadfesta.

Det høgaste punktet på øya er Pico da Esperança på 1053 meter over havet. Av jordbruk på øya finn ein kvegdrift og dyrking av korn og frukt. Andre industriar er fiske og produksjon av mjølkeprodukt.

Administrativt er São Jorge delt inn i to kommunar (concelhos), Calheta i aust og Velas i vest.

• 
  Sørkysten
• 
  Topo
• 
  Kyrkje i Topo

Kjelder

• Denne artikkelen bygger på «São Jorge Island» frå Wikipedia på engelsk, den 22. juni 2008.
  • Wikipedia på engelsk oppgav desse kjeldene:
    • Smithsonian Institution Global Volcanism Program: São Jorge
    • Scarth, Alwyn og Tanguy, Jean-Claude (2001). Volcanoes of Europe. Oxford University Press. s. 243. ISBN 0-19-521754-3. CS1 maint: Multiple names: authors list (link)

Bakgrunnsstoff

• Azores.com, ei kommersiell side med mykje informasjon om Asorane og São Jorge