Sør-Noreg valkrins
samisk valkrins (2009–) / From Wikipedia, the free encyclopedia
Sør-Noreg valkrins (nordsamisk Lulli-Norgga válgabiire, bokmål Sør-Norge valgkrets) er ein valkrins ved sametingsvala i Noreg.[1] Krinsen femner Noreg sørom Sør-Trøndelag, utom kommunane Rindal, Sunndal og Surnadal i Møre og Romsdal fylke og Engerdal, Rendalen, Os, Tolga, Tynset og Folldal i Hedmark fylke, som høyrer til Sørsamisk valkrins.[1]
Krinsen vert også kalla valkrins 7. Til og med Sametingperioden 2005-2009 vart krinsen kalla valkrins 13.
Stemmerett i krinsen har dei som er busette der og er innførte i manntalet til Sametingsvalet. I 2017 var 2894 personar registrerte i manntalet i området.[2]
I 2017 var det vald inn seks sametingsrepresentantar frå krinsen.[3] Sametinget skal til saman ha 39 representantar.
Krinsordninga ved Sametingsvala vart endra framfor valet i 2009. I staden for dei 13 krinsane ein nytta ved Sametingsvala i 1989, 1993, 1997, 2001 og 2005, er det frå 2009 sju krinsar.[4] Sør-Noreg valkrins er ved endringa av krinsordninga skoren ned med åtte kommunar mot nord, det gjeld Surnadal, Sunndal og Rindal kommunar i Møre og Romsdal fylke og Rendalen, Os, Tolga, Tynset og Folldal kommunar i Hedmark fylke. Desse kommunane er frå valet i 2009 overførte til Sørsamisk valkrins.[5]