Vansjø
From Wikipedia, the free encyclopedia
Vansjø er ein innsjø i Østfold fylke. Det er truleg at namnet Vansjø kjem av Varna sjor, som er det gamle namnet på Rygge sokn. Det kan òg stamme frå det gammalnorske ordet vorn som tyder «vern». Namnet har truleg ingenting med vatn å gjere.
Vansjø | |||
innsjø | |||
Land | ![]() | ||
---|---|---|---|
Fylke | Østfold | ||
Kommunar | Moss, Råde, Våler | ||
Opphaldstid | 280 døgn | ||
Høgd over havet | 25 moh. | ||
Areal | 36,94 km² | ||
Middeldjupn | 7,4 m | ||
Kystlengd1 | 175,41 km | ||
Koordinatar | 59°24′47″N 10°42′43″E | ||
![]() Vansjø 59.413055555556°N 10.711944444444°E / 59.413055555556; 10.711944444444 | |||
Wikimedia Commons: Vansjø | |||
1 Kystlengd er eit unøyaktig mål som kanskje ikkje er standardisert for denne artikkelen. | |||
Med ei samla strandlinje på om lag 175 km og eit areal på 36,9 km², er Vansjø den største innsjøen i Østfold. Vansjølandskapet er fullt av fjordar, øyar, holmar og sund, og innbyr til friluftsliv og naturopplevingar.
Vansjø renn ut i Mosseelva, der Mossefossen gav kraft til sagverksdrift og mølleverksemd. Mossefossen, som ein gong danna grunnlaget for utviklinga av Moss by, er i dag utnytta til kraftproduksjon. Kraftverket har ein årsmiddelproduksjon på ca 5 GWh. Vansjø vert òg nytta som drikkevasskjelde i store delar av Mosseregionen (ca. 60 000 menneske [1]).