Årflot gard

Årflot er ein matrikkelgard i Ørsta kommune. Garden ligg på sørsida av Åmdalen, den nedste i dalen. Han ligg litt fram om åmotet mellom Åmdalselva og Follestaddalselva. Årflot grensar mot matrikkelgardane Åmbø, Ytre-Åm og Haugen, samt mot Sporstøyl i Melsbygda. Til Sporstøyl er 2 km og ubygt. Melsbygdvegen, Fv 5902, går frå Sporstøyl over Årflot til Ytre-Åm. Matrikkelgarden har gardsnummer 43 i Ørsta.

Årflot
stad
Den gamle stovebygningen på Årflot
Land	Noreg
Fylke	Møre og Romsdal
Kommune	Ørsta
Postnummer	6150 ØRSTA
Gardnummer	43
Ferdselsårer	Fv 5902

Årflot er ein fåbølt gard, føre 1872 var garden delt i to bruk. Garden låg lenge folketom etter Svartedauden, fyrst mellom 1603 og 1610 kom det bufaste folk. I mellomtida vart jorda nytta til seterstøl, derav namnet Støylen, som Årflot vart kalla til dagleg på 17-1800-talet.

Årflotstova

På Årflot står ei gammal freda stovebygning som er datert til 1600-talet. Der vart både Sivert Aarflot og dottera Berte Kanutte fødd. Sivert budde der til i han i 1798 vart sett til lensmann i Volda skipreide, og flytte til Ekset.

I dag står det ein bautastein over båe desse to ved stova.

Folketal

• 1801: 10 personar (2 heimar)
• 1865: 26 personar (4 heimar)
• 1900: 17 personar (3 heimar)

Kjende namneberarar

• Sivert Aarflot (1759–1817), var frå garden og ei tid gardbrukar der.
• Dottera Berte Kanutte Aarflot (1795–1859), var i si tid bondekone på farsgarden.
• Rasmus Aarflot (1792–1845), lensmann, redaktør og stortingsmann
• Mauritz Aarflot (1821–1904), redaktør og stortingsmann
• Johannes Aarflot (1824–1891), bokhandlar og stortingsmann
• Andreas Aarflot (f. 1928), norsk teolog og biskop.
• Franzisca Aarflot (f 1963), norsk dramatikarer og sceneinstruktør

Kjelder

• Årflot gard i kulturminnesok.no, nettstaden til Riksantikvaren
• Ivar Myklebust: Ørsta, Ekset 1933