'Amran

ʿAmrān (arabisk عمران) er ein liten by vest i det sentrale Jemen. Han er hovudstaden i 'Amran guvernement og låg tidlegare i Sana'a guvernement. Han ligg 53 km med bil nordvest for den jemenittiske hovudstaden Sana'a.^[1] I følgje ei folketeljing i 2004 hadde han eit folketal på 76 863, og eit estimert folketal på 90 792 i 2012.^[2]

ʿAmrān
عمران
by
Land	Jemen
guvernement	'Amran guvernement
Distrikt	Amran-distriktet
Koordinatar	15°40′N 43°57′E
Folketal	90 792  (2012)
Tidssone	Jemen standardtid (UTC+3)
'Amran 15.65°N 43.933333333333°E / 15.65; 43.933333333333
Kart som viser 'Amran. Kart som viser 'Amran.
Wikimedia Commons: Amran

Historie

Byen vart grunnlagd under det sørarabiske Himjar. Under det sabaeiske kongedømet blømde byen og det vart bygd ei festning her. På midten av 1800-talet vart det funne fleire bronsetavler frå den tida som i dag ligg i British Museum. På 600-talet var byen ein mektig by under kampar mot sabaeane. Funn av utskjerte steinar frå tidlegare tempel og palass vitnar om dette i dag. Det vart funne ein stor steininskripsjon ved den vestlege byporten (Bab al-Kabir). Dan gamle souqen er kjend for steinsøylene sine.^[3] ʿAmram var heilt omgjeve av murar bygde i 1720. Landskapet kring byen er dominert av terrassar med steinmurar for å hindre erosjon av dei frodige markene.