Dvergplaneten Makemake

Makemake (småplanetnemning 136472 Makemake, symbol: ),^[2] tidlegare (136472) 2005 FY₉, (tidlegare uoffisielt òg kalla easterbunny, engelsk for påskeharen) er den tredje største kjende dvergplaneten i solsystemet, berre slege av Pluto og Eris. Makemake er òg kvalifisert som ein plutoide, ei undergruppa av dvergplanetane som har ein stor halvakse (snittavstand) større enn Neptun.^[3]

136472 Makemake

Makemake og månen hans
Oppdaging
Oppdaga av	Michael E. Brown Chad Trujillo David Rabinowitz
Oppdagingsdato	31. mars 2005
Baneskildring
Epoke 28. januar 1955 (JD 2435135,5)
Aphel	7939,7 mill. km (53,0736 AE)
Perihel	5760,7 mill. km (38,508 AE)
Stor halvakse	6850,2 mill. km (45,791 AE)
Eksentrisitet	0,159
Snittavvik	85,14653°
Banehelling	28,963°
Lengd på oppstigande knute	79,3816°
Perihelargument	298,407°
Fysiske eigenskapar
Dimensjonar	1300 – 1900 km
Snittradius	750+200-100 km[1]
Volum	~ 1,8×109 km³
Masse	~ 4×1021 kg
Snittettleik	~2 g/cm³
Unnsleppingsfart	~ 0,8 km/s
Albedo	0,8 ± 0,2
Absolutt storleiksklasse (H)	-0,4

Makemake vart oppdaga 31. mars 2005 av eit lag leitt av Michael Brown og er namnsett etter skaparguden Makemake frå mytologien på Påskeøya.^[3] Han har éin kjend måne (S/2015 (136472) 1) som vart oppdaga på bilete tekne av Hubble-teleskopet i april 2015.^[4]

Fysiske eigenskapar

Makemake er etter Pluto det visuelt lysaste kuiperbelte-objektet og har ein tilsynelatande storleiksklasse på nesten 17; lyst nok til at ein ved hjelp av eit kraftig amatørteleskop kan sjå det.

Spektumet til Makemake liknar på Pluto sitt i synleg og nærinfraraudt lys. Spektrumet er raudleg i den synlege delen, motsett til Eris som har eit grått og nøytralt spektrum. Det infraraude spektrumet er merkt av tilstadeveringa av metan (CH₄) likt dei til Pluto og Eris. Tilstadeveringa av metan, meir synleg end den på Pluto, hintar til at òg Makemake har ein atmosfære nær perihel (punktet der Makemake er nærast sola) som frys til etter kvart som objektet flyttar seg lengre vekk ifrå sola.