Abakan

Abakan (russisk Абакан; khakasisk Ағбан) er ein by i Sibir i Russland og hovudstad i republikken Khakasia. Innbyggjartalet er om lag 185 000. Byen ligg sentralt i Minusinsksenkinga der Abakanelva renn ut i elva Jenisej, rundt 3400 km aust for Moskva.

Abakan
Абакан Ағбан
by
Våpenskjold
Land	Russland
Føderasjonssubjekt	Khakasia
Høgd	245 m
Areal	112,38 km²
Folketal	184 284 (1. januar 2025)
Grunnlagd	1675
Postnummer	655000–655023
Retningsnummer	(+7)3902
Abakan 53.716666666667°N 91.416666666667°E / 53.716666666667; 91.416666666667
Wikimedia Commons: Abakan

I 1675 vart det bygd eit russisk fort her, på ordre av Peter den store, som del av prosessen med å underleggje Khakasia russisk kontroll. Han var òg kjend som Abakansk. I Det russiske keisardømet. I 1780-åra oppstod landsbyen Ust-Abakanskoje i same området, og fram til 1914 var busetnad kjend under dette namnet. Frå 1914 til 1924 heitte byen Abakan og frå 1925 til 1931 Khakassk. I 1931 endra landsbyen namn til Abakan og fekk bystatus. Innbyggjartalet var då 10 665.

Frå 1991 er Abakan hovudstad i republikken Khakasia. Byen har tre jernbanelinjer , elvehamn og flyplass. Her er òg universitet.

Abakan var (saman med Tajsjet) ein av endestasjonane på Abakan-Tajsjet-jernbanen. Han er i dag eit viktig jernbaneknutepunkt mellom tre jernbanelinjer. Byen har ei elvehamn, ein lufthamn, industriverksemder, Khakasia statlege universitet, og tre teater. Han har òg eit kommersielt senter som produserer fottøy, matvarer og metallprodukt.