Ajaccio

Ajaccio (på koriskansk: Aiacciu, på latinsk Ajax) er ein by og kommune på Korsika i Frankrike. Byen er hovudstad i regionen som utgjer Korsika, og préfecture (hovudstad) i departementet Corse-du-Sud. Byen har like over 50 000 innbyggjarar.

Ajaccio
Hamna i Ajaccio Hamna i Ajaccio
Byvåpen
Land Region Departement	Frankrike Korsika Corse-du-Sud
Flatevidd	82,03 km²
Flatevidd  - By	82,03 km²
Innbyggjarar  • By (1999)    - folketettleik	52 880   645/km²
Koordinatar	41°55′36″N 08°44′13″E
Høgd	38 m
Tidssone	CET (UTC+1)
Nettstad: www.ajaccio.fr

Geografi

Ajaccio ligg på vestkysten av øya Korsika, 210 nautiske mil søraust for Marseille. Han ligg verna til ved foten av ein skogkledd ås på nordsida av Ajacciobukta. Hamna ligg aust for byen, og er verna i sør av ei halvøy.

Historie

Ajaccio ligg i dag om lag 3 km sør for den opphavlege busetnaden som han vart flytta frå av genuesarane i 1492. Byen var okkupert av Frankrike frå 1553 til 1559, men kom igjen inn under Genova etter Freden i Cateau-Cambrésis seinare på året. Byen vart til slutt fransk i 1768, og vart i 1793 hovudstaden for departementet Liamone og i 1811 departementet Corse (Korsika). Den korsikanske nasjonalforsamlinga (Assemblée nationale corse), som er det korsikanske regionalparlamentet, har halde til her heilt sidan ho vart oppretta i 1982.

Kjende personar

Desse personane er fødd i Ajaccio:

• Napoleon Bonaparte (1769-1821), keisar av Frankrike 1804-1814.
• Tino Rossi (1907-1983), songar, skodespelar
• Fred Scamaroni (1914-1943)