Aleksandr Menkov

Aleksandr Aleksandrovitsj Menkov (fødd 7. desember 1990) er ein russisk friidrettsutøvar frå Minusinsk som i 2013 vart verdsmeister i lengdehopp.

Aleksandr Menkov
Aleksandr Menkov under Moskva-VM 2013
Statsborgarskap	Russland
Fødd	7. desember 1990 (34 år) Minusinsk
Idrett	friidrett
Tok del i	Sommar-OL 2012

Menkov sette i juni 2009 i Kemerovo personleg rekord i lengdehopp med eit hopp på 8,16 meter, ein månad før han vann lengdetevlinga ved junior-EM 2009. To år seinare forbetra han sin personbeste fleire gongar, sist til 8,28 m i greske Kalamáta, og etablerte seg i verdseliten i øvinga. I september tok han med 8,19 m sjetteplassen i lengde-finalen då VM i friidrett 2011 fann stad i Daegu i Sør-Korea. OL-sesongen 2012 flytta han den personlege rekorden til 8,29 m i eit stemne Brussel, men mislukkast i dei olympiske leikane i London.

Under verdsmeisterskapen 2013 på russisk jord presterte Menkov over evne i finalen, med eit bestehopp på 8,56 meter vann han ein suveren siger i lengdetevlinga. Ved dei neste verdsmeisterskapane vart han sjettemann i 2015 og fjerdemann i 2017, i den siste tevlinga hamna han fem cm bak bronsevinnaren.

Medaljar og plasseringar i internasjonale meisterskap

• VM 2009 i Berlin: Utslått i kvalifiseringa (7,72 m =nr 32)
• VM 2011 i Daegu: Nr 6 – 8,19 m
• OL 2012 i London: Nr 11 – 7,78 m
• VM 2013 i Moskva: Gullmedalje – 8,56 m, framom Ignisious Gaisah (8,29 m)
• EM 2014 i Zürich: Utslått i kvalifiseringa (7,78 m =nr 13)
• VM 2015 i Beijing: Nr 6 – 8,02 m
• VM 2017 i London: Nr 4 – 8,27 m

Kjelder

• Denne artikkelen bygger på «Alexander Alexandrowitsch Menkow» frå Wikipedia på tysk, den 24. juli 2018.