Allé

Ein allé eller alle (av fransk aller, ‘gå’) er ei gate eller veg med ei rekkje av tre på båe sider, eller ei slik rekkje av tre langs ein veg.^[1] Vanlegvis har alleen ei rekkje tre på kvar side, men han kan også ha to rekkjer på begge sider.^[2]

Bygdøy allé i Oslo

Døme på ein allé kan vere Bygdøy allé i Oslo eller Unter den Linden («under lindetrea») i Berlin i Tyskland.

Opphavleg vart alléane planta for å gi skydd og skugge til dei som ferdast på vegen. I dag er ein allé først og fremst eit vakkert innslag i landskaps- eller bybildet. Men langs sterkt trafikkerte vegar kan trea føre til trafikkfare ved å hindre sikta i inn- og utkøyringar.