Amazonas i Brasil

Amazonas er største delstaten i Brasil, og ligg i nordre del av landet. Hovudstaden er Manaus. Nabodelstatar er (frå nord med klokka): Roraima, Pará, Mato Grosso, Rondônia og Acre. Delstaten grensar òg til Loreto-regionen i Peru, departementet Amazonas i Colombia, samt delstaten Amazonas i Venezuela.

Amazonas
delstat
Flagg
Land	Brasil
Hovudstad	Manaus
Areal	1 559 167,9 km²
Folketal	4 001 667 (2016)
Språk	Portugisisk
Amazonas i Brasil 3.9833333333333°S 64.633333333333°W / -3.9833333333333; -64.633333333333
Kart som viser Amazonas i Brasil. Kart som viser Amazonas i Brasil.
Wikimedia Commons: Amazonas (Brazil)

Andre byar:

• Barcelos

Geografi

Amazonas er skogkledd, ligg i tropisk regnskog, og delstaten dekkjer store delar av regnskogen i Amazonas. Delstaten har namn etter Amazonaselva.

I denne delstaten finn ein òg det høgste fjellet i Brasil. Toppen av Pico da Neblina er på 2994 moh. og ligg i grenseområdet mot Venezuela.

Regnskogen i Amazonas vert normalt delt inn i tre kategoriar:

• igapos - permanent land under vatn, røtene til vegetasjonen ligg alltid under vatn.
• varzeas - høgare enn igapos, landet vert sett under vatn i flaumperiodar
• lågplatå - høgste nivå, vert aldri sett under vatn.

Økonomi

Økonomien i Amazonas var tidlegare basert på eksport av gummi. I dag er økonomien meir variert og inkluderer blant anna jordbruksprodukt kor ein dyrkar cassava og appelsinar. Delstatshovudstaden Manaus er eit vektig produksjonssenter i Brasil, ei rekkje nasjonale og utanlandske føretak har fabrikkar i byen.