Andy's Chest

«Andy's Chest» er ein song skriven av Lou Reed, inspirert mordforsøket på Andy Warhol i 1968. I juni dette året skaut den radikale feminist-forfattaren Valerie Solanas Warhol og Mario Amaya, ein kunstkritikar og kurator, i studioet til Warhol.^[1]

Andy's Chest Song av Lou Reed frå albumet Transformer
Utgjeve	1972
Innspelt	1969
Lengd	3:22
Selskap	RCA
Låtskrivar(ar)	Lou Reed
Produsent	David Bowie, Mick Ronson

Bandet The Velvet Underground som Reed var medlem av, spelte opphavleg inn songen i 1969, men den endelege versjonen kom ut i 1972 på Lou Reed-albumet Transformer, produsert av David Bowie og Mick Ronson.

Den originale innspelinga frå 1969 kom sidan ut på albumet VU i 1985, som ein livleg popsong.^[2] Arrangementet på Transformer er meir langsamt med ein karaktertisk bass av Herbie Flowers og markant korvokal av David Bowie.

Medverkande

• Lou Reed: solovokal, rytmegitar
• David Bowie: korvokal
• Mick Ronson: sologitar
• Herbie Flowers: bass
• John Halsey: trommer