Ankh

Ankh eller hankekross (☥, egyptisk ʿnḫ), er ein hieroglyf og eit symbol frå det gamle Egypt som tyder 'liv'. Ein finn ofte symbolet i framstillingar av gudar og faraoar, i smykke og i namn som Tut-ankh-amon.

Ankh held opp solskiva. Illustrasjon frå den egyptiske daudeboka.

Symbolet er truleg avleidd frå reima på ein sandal, som blei skriven «nkh» på gammalegyptisk, der ein berre skreiv ned konsonantane.

Koptisk bruk av ankh og kross.

Den koptiske kyrkja brukte ankh som kristenkross eller saman med ein annan kross.

Ankh i moderne tid

Symbol frå grava til farao Thutmose IV.

Namnet til Ramses II med ankh på begge sider over ei dør i Karnak.

Ankh er blitt brukt som symbol i moderne tid av nokre nyheidningar og som pynt eller symbol av grupper som hippiar og gothar, gjort kjend av musikkartistar som Kiss, Elvis og Earth, Wind and Fire.

Det går også att i populærkultur, mellom anna i elva Ankh og bystaten Ankh-Morpork i det humoristiske fantasiuniverset skapt av Terry Pratchett, i ei rekkje filmar og fjernsynsseriar, som Stargate, Logan's Run og Lost, i teikneseriar som Sandman og Doctor Fate, og video- eller dataspel som Tomb Raider, World of Warcraft og Ankh.

Sjå òg

• Venus-symbolet, ♀

Kjelder

• "ankh." Encyclopædia Britannica 2009. Encyclopædia Britannica Online. Vitja 30. mai 2009.

• Delar av denne artikkelen bygger på «Anch» frå Wikipedia på tysk, den 30. mai 2009.
• Delar av denne artikkelen bygger på «Ankh» frå Wikipedia på engelsk, den 19. mai 2009.

Bakgrunnsstoff