Attiéké

Attiéké (òg skrive acheke) er ein siderett laga av maniok som er ein del av matkulturen i Elfenbeinskysten i Vest-Afrika. Retten blir framstilt frå gjæra maniokmasse som er riven eller granulert. Det blir òg laga tørka attiéké, som har ein liknande tekstur som couscous. Det er ein vanleg og tradisjonell rett i Elfenbeinskysten som har opphavet sitt frå den sørlege delen av landet. Metodar for tillaging av retten er velkjende i Elfenbeinskysten og òg i Benin. I Elfenbeinskysten blir retten ofte servert med kedjenou, ei langsamt kokt stuing. Fersk attiéké blir raskt dårleg, og bør etast innan eitt døgn etter tillaging.

Ein tallerken med attiéké

I 2024 blei retten utnemnd til immateriell kulturarv av UNESCO.^[1][2]