Bashar al-Assad

Bashar al-Assad (fødd 11. september 1965) er ein tidlegare syrisk president. Han var president i Syria frå 2000 til 2024 og leiar for det syriske Baath-partiet. Etter den syriske grunnlova var Baath-partiet det statsberande partiet.^[1]

Bashar al-Assad بشار الأسد
Fødd	11. september 1965 (59 år) Damaskus
Statsborgar av	Ba'athist Syria
Parti	Baathpartiet i Syria
Religion	alawittar
Yrke	statsmann, augelækjar, militær leiar, politikar, militærlege
Institusjonar	Western Eye Hospital
Utdanna ved	Universitetet i Damaskus Homs Militærakademi
Mor	Anisa Makhlouf
Far	Hafez al-Assad
Ektefelle	Asma al-Assad
Barn	Hafez Bashar al-Assad, Zain al-Assad, Kareem al-Assad
Alle verv	president av Syria (2000–2024) kommandant (2000–2024)

Bakgrunn

Bashar al-Assad er utdanna augelege i Damaskus og London. Han var opphavleg ikkje tiltenkt noka politisk rolle, men dette endra seg då den eldre broren Basil al-Assad døydde i 1994.^[2]

Bashar al-Assad vart president etter at faren Hafez al-Assad døydde, og hadde ikkje hatt framståande politiske stillingar før dette. Verken Bashar al-Assad eller faren Hafez har vorte valde i frie, demokratiske val.

Al-Assad-familien høyrer til den muslimske alawitt-sekta, ein religiøs minoritet i Syria.