Belte- og veginitiativet

Belte- og veg-initiativet^[1] (kinesisk 一帶 一路 / 一带 一路, pinyin yi dài yi lù , 'eit belte ein veg', engelsk Belt and Road Initiative (BRI)^[2]) er eit kinesisk utviklingsprosjekt som går ut på å investera og byggja infrastruktur i ei rekkje land. Politikken er rekna som ein hjørnestein i Xi Jinping sin utanrikspolitikk, og blei offisielt teken i bruk av kinesiske styresmakter i 2013.^[3][4][5]

Kart med Kina merka raudt og medlemmer av Asiatisk infrastrukturinvesteringsbank, Asian Infrastructure Investment Bank, i oransje, og dei seks transportkorridorane i svart.

Bana mellom hovudstaden i Laos og grensa til Kina (Boten–Vientiane-bana) vart bygd som del av BRI. Ho opna i 2021.^[6] Eit anna prosjekt er byggjestart på Bangkok–Nong Khai-høgfartsbana, med uklar finansiering på strekninga Nong Khai til Nakhon Ratchasima, og med berre omlag 3,5 kilometer bane bygd per 2019.^[7]