Beteslekta

Bete er ei planteslekt i amarantfamilien. Fleire mat- og fôrvekster høyrer til slekta som raudbete, fôrbete og sukkerbete.

Beteslekta
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Nellikordenen Caryophyllales
Familie:	Amarantfamilien Amaranthaceae
Underfamilie:	Betoideae
Stamme:	Beteae
Slekt:	Beteslekta Beta L., 1753

Plantane i slekta er eitt- og toårige urter med opprett vekst som typisk blir rundt ein meter høge. Dei har tynn pelerot og store, hjarteforma blad som er tjukke og hårlaus. Betane har små, lite iaugefallande blomar som sit i store blomsterstandar. Blomane er samla i endestilte, aksaktige nøklar. Frukta er ein flat kapsel med eit oppspringande lok.

Det kjem 12 artar frå Europa og middelhavsområdet. Den viktigaste av desse kulturelt er Beta vulgaris som omfattar strandbete (B. vulgaris ssp. maritima), stamforma til dyrka betar.

Raudbetar med ulike fargar.

Betar som raudbete kan dyrkast over heile Noreg. Både blad og rot kan brukast som mat. Fleire betetypar kan ha sterk raudfarge som kjem av betalainstoff. Alle raudbetetypar er likevel ikkje nødvendigvis raude, men kan også ha kvite eller gulfarga røter.

Bladbete (Beta vulgaris var. cicla)

Artar

• Beta adanensis
• Beta atriplicifolia
• Beta lomatogona
• Beta nana
• Beta patellaris
• Beta patula
• Beta procumbens
• Beta trigyna
• Beta trojana
• Beta vulgaris med variantar som:
  • raudbete
  • sukkerbete (sukkerroe)
  • mangold (bladbete, spinatbete)
  • fôrbete (bete)