Bjørkefamilien

Bjørkefamilien er ein plantefamilie som omfattar seks slekter med lauvfellande tre og buskar. Blada sit spreitt og er som regel dobbeltanna. Hann- og hoblomane sit kvar for seg i blomestandar kalla raklar, men alle plantar har blomar av begge kjønn (sambu). Pollineringa skjer med vinden.

Hannraklar hos grønor

Utbreiinga til bjørkefamilien

Bjørkefamilien
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Bøkeordenen Fagales
Familie:	Bjørkefamilien Betulaceae Gray, 1822

Familien er hovudsakleg utbreidd i tempererte strøk på den nordlege halvkula, men finst sørover til Andesfjellene og Sumatra. Artane er fordelte på to underfamiliar, som av og til blir rekna som sjølvstendige familiar: Betuloideae med bjørk og or, og Coryloideae med hassel, agnbøk, humlebøk og Ostryopsis.