Bjørn

Bjørnefamilien (Ursidae) er ein familie av store, tunge rovpattedyr som ofte òg livnærer seg med plantekost. Nokre artar går i hi om vinteren.

For andre tydingar av oppslagsordet, sjå Bjørn (fleirtyding).

Bjørnefamilien
Utbreiing
Utbreiinga av bjørnefamilien
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Pattedyr Mammalia
Orden:	Rovpattedyr Carnivora
Parvorden:	Ursida
Overfamilie:	Ursoidea
Familie:	Bjørnefamilien Ursidae Fischer von Waldheim, 1817

Det har vore bjørnar på alle kontinenta, bortsett frå Australia og Antarktis, men det finst flest av dei på den nordlege halvkula. I Noreg lever brunbjørnen på fastlandet og isbjørnen mellom anna på Svalbard. I Skandinavia finst det i dag mellom 1 200 og 1 500 individ av brunbjørnen.

Skildring

Bjørnane veg mellom 300 og 800 kg. Dei har tunge kroppar og kraftige lemmer. Labbane er breie med klør som alltid er ute, snuten er lang og halen er kort. Dyra er kjenneteikna av tjukk pels som kan ha ulike fargar, gjerne svart, raud eller kvit, og av og til med kvite teikningar på brystet eller i fjeset.

Dyra brukar tennene som reiskapar og til å forsvara seg. Dei kan mellom anna bruka klørne til å grava opp røter, riva opp termittuer eller bikuber, og fanga bytte.

Samanlikna med dei andre rovdyra er bjørnane trege, men dei kan likevel koma opp i ein fart på 50-60 km/t. Òg til forskjell frå andre rovdyr går dei på heile bakfoten, og ikkje berre tærne.

Bjørn i kulturen

Bjørnar har lenge imponert menneska med storleiken og styrken sin, og dei er blitt dyrka som totemdyr i fleire kulturar. Fleire norske namn inneheld ordet «bjørn», og det finst fleire namn som viser til dyret åleine, til dømes Ursula , Bera og sjølve namnet Bjørn. Ein har teke dyret til beskyttar for fleire byar og finn det på fleire våpenskjold, og Russland har lenge vore symbolisert gjennom den russiske bjørnen.

I nyare tid, då bjørnejakt ikkje lenger er eit livsfarleg vågestykke, er det lagt meir vekt på den søte utsjånaden til bjørnar. Teddybjørnar og liknande kosedyr er blitt utbreidde og populære leiketøy, og koselege bjørnar er hovudpersonar i fleire historier for barn.

Galleri

• 
  Panda (Ailuropoda melanoleuca)
• 
  Brillebjørn (Tremarctos ornatus)
• 
  Kragebjørn (Ursus thibetanus)
• 
  Svartbjørn (Ursus americanus)
• 
  Isbjørn (Ursus maritimus)
• 
  Brunbjørn (Ursus arctos)

Nolevande bjørnar

Treliste

• Bjørnefamilien
  • Underfamilien Ailurinae
    • Slekt Ailuropoda
      • Panda (Ailuropoda melanoleuca)
  • Underfamilien Tremarctinae
    • Slekt Tremarctos
      • Brillebjørn (Tremarctos ornatus)
  • Underfamilien Ursinae
    • Slekt Helarctos
      • Malaybjørn (Helarctos malayanus)
    • Slekt Melursus
      • Leppebjørn (Melursus ursinus)
    • Slekt Ursus
      • Kragebjørn (Ursus thibetanus)
      • Svartbjørn (Ursus americanus)
      • Isbjørn (Ursus maritimus)
      • Brunbjørn (Ursus arctos)

Kjelder

• Denne artikkelen bygger på «Bear» frå Wikipedia på engelsk, den 13. mars 2005.

Bakgrunnsstoff

Commons har multimedium som gjeld: Bjørn