Bjørnafjorden kommune

Bjørnafjorden kommune er ein kommune i Vestland fylke som vart skipa den 1. januar 2020, då dei tidlegare kommunane Os og Fusa slo seg saman.^[1] Bjørnafjorden grensar til Bergen og Samnanger i nord, Kvam i aust, Kvinnherad og Tysnes i sør og Austevoll i vest.

Bjørnafjorden kommune
kommune
Kommunelogo
Land	Noreg
Fylke	Vestland
Adm.senter	Osøyro
Areal	517,41 km²
•  land	487,58 km²
•  vatn	29,83 km²
Folketal	26 342  (1. januar 2025)
Målform	nynorsk
Ordførar	Terje Søviknes (Frp)
Kommunenr.	4624
Bjørnafjorden kommune 60.2°N 5.7°E / 60.2; 5.7
Kart som viser Bjørnafjorden kommune. Kart som viser Bjørnafjorden kommune.
Wikimedia Commons: Bjørnafjorden (municipality)
Nettstad: bjornafjorden.kommune.no

Personar som kjem frå Bjørnafjorden kommune, blir kalla for bjørnafjordingar.

Geografi

Kommunen ligg nord for hovudarmen av Bjørnafjorden. Fusafjorden, som etter kvart deler seg i Eikelandsfjorden, Ådlandsfjorden og Samnangerfjorden, deler kommunen i ein austleg og ein vestleg del.

Bjørnafjorden kommune har ei kystline på 355,3 km.^[2]

Det høgste fjellet i kommunen er Tveitakvitingen på grensa til Samnanger og Kvam, som strekkjer seg 1299 meter over havet.^[3] Skogseidvatnet aust i kommunen er den største innsjøen i areal.